Thokozile Mbedzi
ZlLOKHE zinkemile izisebenzi zeMushagashe tollgate emgwaqweni ovela eMasvingo usiya eHarare ngemva kokubotshwa kwamadoda amabili atholakale elembanje ebhasini.
Kubikwa uRashie Makore oleminyaka engu-47 ovela eKatanga eNorton lo Modest Hove oleminyaka engu-45 ovela eDzivarasekwa 2 eHarare bagada ibhasi yeBlue Circle eyayivela eBeitbridge isiya eHarare, bethwele imbanje.
Kubikwa amapholisa ohlangothi lwe-CID Nicotine Drugs Unit bamukela udletshana lokuba ababili laba balezidakamizwa phakathi kwamabili, bayalinda e-tollgate lapho abasetsha khona bonke ababephakathi kwebhasi babopha ababili laba ngemva kokubathola belembanje.
Kubikwa uRashie Makore watholakala elembanje ezilesisindo se1,752kg kukanti uModest Hove yena wayele 3,8kg ebiza imali engange ZiG$1 000.
imbanje
Isikhulumi samapholisa esabelweni seMasvingo u-lnspector Kudakwashe Dewa uthe ababili laba bahle babotshwa.
“Njengamapholisa, sixwayisa labo abaphatheka ekuthengiseni izidakamizwa ukuthi amehlo amapholisa akhona yonke indawo njalo ingalo yomthetho izabafinyelela.
“Sithanda ukubonga ukusebenzelana kuhle lozulu, sikhuthaza njalo abanye ukuba kabalandele imisebenzi emihle eyenziwa ngabanye yokumanyana lamapholisa silwisane lezidakamizwa eziyingozi, sibe lelizwe elikhululekileyo,” kuphela ulnsp Dewa.
