uMthunywa
Thokozile Mbedzi
KUBOTSHWE amadoda amahlanu esigabeni seVungu eLower Gwelo esolwa ngokutshontsha inkomo ezingu-35.
Abetheswacala uBusani Sibanda (39) weDrawcard, eVungu, uEmmanuel Moyo (40) loEphraim Mazinyane (40) abahlala koMantiya ngaphansi kwenduna uBunina, Takurai Gumbo (53) loKomborerai Gumbo (25) abahlala epulazini leEnsors Farm eVungu bonke bengabesigabeni seLower Gwelo babotshwe ngensuku ezitshiyeneyo besolwa ngamacala okutshontsha inkomo ezingu-35 ezacatsha epulazini leGilman khonale eLower Gwelo.
Kuvele ukuba mhlaka 1 Mpandula ekuseni ngehola lika-7 uPatrick Ndlovu ongumalusi waxotshela inkomo ezingu-100 emadlelweni uthe ebuyela ngo-5 ntambama esiyabutha inkomo wathola ezingu-20 zingasekho.
Kubotshwe 5 abatshontsha inkomo ezingu-35
Isikhulumi samapholisa eNkabazwe uInspector Emmanuel Mahoko uthe mhlaka 5 Lwezi uNdlovu wangenisa inkomo kwenye i-paddock ekuseni, uthe esezozibutha ngo-5 wathola ezingu-15 sezitshontshiwe okwenza wayabikela amapholisa.
Kubikwa ekuchwayisiseni kwamapholisa abopha uBusani Sibanda ukuze awancedise ekuchwayisiseni kwawo. USibanda wachaza ukuba usebenzisana loMoyo loMazinyane ababotshwa mhlaka 14 Lwezi besemzini yabo.
uInspector Emmanuel Mahoko
Kubikwa amapholisa mhlaka 15 Lwezi aphinda athola udletshana njalo lokuba uTakurai loKomborero bayingxenye yabathathu abasebebotshiwe labo babotshwa.
Ukuchwayisisa kwamapholisa kwenza kwatholakala inkomo ezingu-14 ezazingezika Ndlovu.
Abahlanu laba bamiswe emthethwandaba mhlaka 17 Lwezi njalo bazaphenduka emthethwandaba bevela ejele.
“Njengamapholisa sithanda ukubonga uzulu ngokuqhubeka esiphathisa ngokusipha imibiko esisizayo ekubotshweni kwalabo abephula umthetho,” kuphetha ulnsp Mahoko.
