uMthunywa
INDODA yeVlakfontein eGauteng elentombi yayo ebingabonakali okutholakale isidumbu sayo singcwatshwe ngaphansi kombheda izamiswa phambi komthethwandaba weProtea isetheswa icala lokubulala.
UFaith Mazibuko obona ngokuphepha komphakathi uthe ukwanda kwamacala okubulalana kwabathandanayo kuyadanisa.
“Sithanda ukukhuthaza abesifazana ukuthi bangathuli, kababike amacala okuhlukuluzwa ngoba yiwo abangela ukubulawa kwabo.
“Umphakathi lawo ngokufanayo siwukhuthaza ukuthi ubikele amapholisa ngabantu abangabonakaliyo ngoba umetheswacala uchaze ukuthi kulezinye izidumbu azingcwabayo,” kutsho uMazibuko.
Isidumbu sowesifazana oleminyaka engu-41 sibonwe yizakhamizi singcwatshwe egodini elingatshoniyo. Izakhamizi bezisazi inina leli ngokuthi nguMamsotho nje kuphela.
UJohanna Sono onguye owabona imbedumehlwana le, uthe waqala ukusola ebona uMamsotho esenyamalele.
“Ngathi angitshele iqiniso wathi umbulele,” kutsho uJohanna.
UJohanna wabikela amapholisa umetheswacala watshengisa amapholisa lapho angcwaba khona uMamsotho.
Uhlangothi olubona ngokuphepha komphakathi eGauteng kukhangelelwe ukuthi luvule iSafety Kiosk esiqintini seVlakfontein.
Ababona ngokuthula abalemvumo yokubopha umphakathi kanye lalabo abazabe bebhoda esigabeni lesi njalo baphendule imbiko yezakhamizi bazahanjiswa kuleyondawo njengendlela yokuvala umango phakathi komphakathi weVlakfontein lenkamba yamapholisa yeLenasia.-Ubulembu
