INTUKUTHELO yabalandeli beKaizer Chiefs icitshe yaxova umdlalo wayo leMamelodi Sundowns weCarling Knockout ngoMgqibelo e-FNB, ingahle iqhathe leliqembu laseNaturena ngolaka lwePremier Soccer League (PSL).
Ngenyanga edluleyo, umtshutshisi we-PSL, uZola Majavu, umemezele ukuthi iChiefs ilivumile icala lokwehluleka ukulawula abalandeli bayo ngesikhathi itshaywa yiSundowns nge 2-1 koweligi mhlaka 28 Mpandula, eFNB Stadium.
Lokhu kudale ukuthi iChiefs ihlawuliswe, kwavuka lesinye isigwebo esasilengisiwe ngesizini edluleyo.
Ngokutsho kukaMajavu, ngenyanga edluleyo iChiefs yalivuma icala yahlawuliswa i-R100 000 kodwa kwalengiswa i-R50 000 ngesivumelwano sokuthi ngeke itholakale ephutheni elifanayo kuze kuphele isizini ka-2024/2025.
“Lokhu kulahlwa icala kuyivusele i-R100 000 wangesizini edluleyo ebilenga osekufanele iyibhadale le-R50 000 yomdlalo wamhlaka 28 Mpandula, okutsho ukuthi izabhadala i-R150 000,” kutsho uMajavu ekhipha isigwebo.
NgoMgqibelo, esigabeni sakuqala, umdlalo uke wama imizuzu kulandela ukugasela enkundleni kwabalandeli abebegqoke imfaniswano yeChiefs.
Mamelodi Sundowns
Obekwenza bahluleke ukuziba intukuthelo, yikuthi iSundowns ibibamele ngenduku ngesikhathi esifanayo bengahambisani lezinqumo zikaLuxolo Badi, obephethe umdlalo.
Ibhola elivule inkundla kube ngumbekwa odale ukuthi abalandeli beChiefs bajikijele enkundleni ngoba bengahambisani lokuthi uNjabulo Blom, udlalise kabi ebhokisini uLucas Ribeiro.
Lokhu kubhebhetheke kalula ngoba lo mdlalo ufika nje, isesemiqondweni yabanengi eyomdlalo weligi phakathi kweChiefs leSundowns enkundleni efanayo ngo28 Mpandula.
Ngalelo langa abalandeli beChiefs babethi abamudle bamfele, uSikhumbuzo Gasa, owayephethe umdlalo bemsola ngokubancitsha ibhola lokulinganisa elatshaywa ngu-Edson Castillo, umdlalo usuyaphela.
Okwenzeke e-FNB Stadium ngoMgqibelo kufanele ukuthi kuzobakhona embikweni wabebephethe umdlalo okungadala ekutheni ikomithi yePSL eliqondisa ubugwegwe liphinde liyisukumele indaba yeChiefs lokuhluleka kwayo ukulawula abalandeli bayo.
Kulokhu kungenzeka liphume lesigwebo esihlukileyo kulokutshaya iChiefs iphakethe ngoba kubukeka kungelamthelela. -*ubulembu
