UMQONDISI omkhulu we-National Arts Council (NAC), uNicholas Moyo usebike ngokwedlula emhlabeni komsunguli we-Amakhosi uCont Mdladla Mhlanga lamuhla ekuseni.
UMhlanga ubelaliswe esibhedlela okwensuku ezilitshumi lapho isimo sakhe ebesingani siba ngcono kodwa kunsuku ezintathu zokucina siguquke saba sibi.
UMhlanga ubengumlobi wemidlalo njalo engumqondisi wayo.
Kusitatimende esikhitshwe yiNAC, uMoyo uthe uMhlanga uqale umsebenzi kwezemidlalo ngomnyaka ka1982 lapho asungula i-Amakhosi Cultural Centre eyaqala iyiKarate Club yasitshintshwa isiba ngeyokubukisa imidlalo ngomnyaka ka1988.
Ilizwe lizaziswa ngamalungiselelo omsebenzi ngokuya kwezinsuku.