Kalalo igcikwane le-Cronavirus uPrince Dube

06 Feb, 2020 - 00:02 0 Views
Kalalo igcikwane le-Cronavirus uPrince Dube uPrince Dube

uMthunywa

YiNtatheli kaMthunywa

UMGADLI weqembu leHighlanders uPrince Dube obeqatshwe ngolokhozi kulandela ukuvakatshela iqembu leShaanxi kweleChina, lapho okuqhamuke igcikwane le-Coronavirus sokuvele ukuba kakho engozini yomkhuhlane lo.

Igcikwane leCoronavirus selibulele abantu abangu-427 njalo abedlula i-20 500 sebetholakale belomkhuhlane lo kusukela ngesikhathi kuqhamuka umkhuhlane lo kumaviki amabili edluleyo eChina.

UDube ubese Xi’an, okungamakhilomitha angu-785 usuka lapho okuqhamuke khona igcikwane leli, eWuhan.

UDube ubeqatshwe ngolokhozi okwensuku ezingu-14 njalo lokhu engakabi lezibonakaliso zomkhuhlane lo.

“Inqubo yokukhangelwa ibingeyokuvikela. Ubeseselizweni leZimbabwe ngesikhathi igcikwane leli liqhamuka njalo isikhathi sokukhangelwa sesedlule, ubehlala ehlolwa futhi utholakale emsulwa,” kutsho udokotela owazi ngaloludaba.

UMqondisi wezempilakahle kukhansili yakoBulawayo uDokotela Edwin Sibanda uthe kakaziswa ngesimo somdlali lo oleminyaka engu-22.

“Nxa umuntu angabekwa eceleni ukuthi akhangelwe, kunengi okwenziwa kuye; kulemibuzo ebuzwayo, ukutshisa komzimba wakhe kuyahlolwa ngezikhathi ezithile ukuze kubonakale isimo sakhe njalo lokhu ngokwesikhathi esibekiweyo, ikakhulu nxa esuka endaweni elomkhuhlane oyingozi. Nxa kungekho okwenzakalayo kunsuku ezingu-14, ukuhlolwa kuyama. Amadoda ayiwo enza umsebenzi lo kakangitsheli ukuthi kuhamba njani, kutsho ukuthi akukho abakutholileyo,” kutsho uSibanda.

UMphathintambo wogatsha olubona ngezempilakahle lokondliwa kuhle kwabantwana uDokotela Obadiah Moyo kuviki ephelileyo ubikele intathelizindaba ukuthi kulabantu abangu-82 abahlolwayo kweleZimbabwe ngemva kokuvakatshela endaweni ezihlaselwe yimikhuhlane.

UMoyo ukhuthaze izizalwane zakuleli ukuthi zingethuki ngenxa yegcikwane leli, ngoba kwenziwa yonke imizamo yokuvikela uzulu endaweni zonke zokungena elizweni.

Ilizwe leChina selimise yonke imidlalo elizweni layo, kanye le China Super League, obekumele iqalise mhlaka 22 Nhlolanja.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds