uMthunywa
Mehleli Dube
MHLA ababili betshadayo bafunga bagomele bethi sofa silahlane okwami ngokwakho, ungagula lami ngiyagula ngezinye zezifungo ezijwayelekileyo.
Isimanga lezinsuku sifunda kumaphephandaba sizwe lemisakazweni abalwa bebhaxabulane kuze kwesinye isikhathi umuntu akhumuke amazinyo kubangwa ukuthi ubambeleni umakhalekhukhwini womunye wakhe.
Isikhathi esinengi ungabona omunye wakho engafuni ukuthi ubambe umakhalekhukhwini wakhe kuyabe kukhona okutshaya amanzi, phela ngezinye zempawo ezikhomba ukungathembeki komuntu.
Ngikhumbula omunye umngane wami umakhalekhukhwini wakhe wagxumukela endlini yokuyela engafuni ukutshiya umakhalekhukhwini wakhe phezu kweguma esesaba ukuthi mhlawumbe uzakhala umakhalekhukhwini wakhe asatshelwe ngumkakhe ibisiwucithile umuthi inkonyane.
Lekulaleni ufica abantu befulathelene omunye lomunye exhofaxhofa inkinobho zikamakhalekhukhwini wakhe esithele engafuni ukuthi omunye wakhe alokothe abanye imilayezo ethunyelwa ngabangane bakhe.
Omunye wekela umakhalekhukhwini ekhala kanti kwakungumlayezo wokuthi umntanabo usetshaywe yimota sekusele udokoza kufuneka ukuthi udokotela athathe isinqumo emveni kokukhuluma ingqe umzali lakanye waphangalala umntanenkosi kubangwa yikho lokhu ukungathembani.
Nxa kungela lutho olwesabayo yekela bamphendule sibi sabantwabakho nxa ukhatshana.
Ayixabene.
Umlobi ungamthinta ku 0714355641
