Izoqhunsa koBulawayo iBlaq Diamond

03 Dec, 2021 - 15:12 0 Views
Izoqhunsa koBulawayo iBlaq Diamond Blaq Diamond

uMthunywa

YiNtatheli kaMthunywa

IQEMBU leBlaq Diamond, abafana abazokuthengela ibhanoyi, bakwelaphe nge-summer yomuthi, bazaqhunsa koBulawayo ngoMqgibelo enkundleni ye-BAC Leisure, bezotshengisa indaba yabo yama “Criminal Record”.

Intsha, lalabo abathanda ezomdumo wama-Piano,  bathabe kakhulu njalo kukhangelelwe ukuthi batheleke eBAC ngobunengi babo.

Iqula le-Black Diamond lizavula ukuqala kwesizini yokujabula kaMpalakazi koBulawayo.

Intatheli yephephandaba likazulu ikhulumisane lentsha yakoBulawayo, eveze  ukujabula kwayo ngokuzwa ukuthi iBlack Diamond izabe isedolobheni.

“Angikaze ngibabone njalo ngibamelele, ngabomvu ngilesifiso sokubamba oyedwa isandla,  kayibuye i-Blaq-diamond,” kutsho uAndile Dlamini oweMganwini.

UMethembe Tshabalala ohlala eNjube, uveze ukuba yena semelele nje ukuthi bafike zivele zidume. “Azivele zidume izingoma zabo zimnandi njalo khathesi sikhangelele ukuba basidlalele leyi entsha ‘ama criminal record.”

UMthunywa uphethe ukhulume lomaqhuzu wabaqoqi bomcimbi lo uMduduzi Mdlongwa owe 3D Events othe amalungiselelo aqhuba kakuhle. Uthe kuzalandelwa izinqumo zokuvikela ukumemetheka komkhuhlane we-Covid 19, njengokuhlelwa nguHulumende lenhlanganiso yeWorld Health Organisation.

“Konke kuhamba kuhle ngalesi isikhathi inhlelo zokuba iqembu leli lidlale ingoma zalo lokhe zime kuhle.”

IBlack Diamond izavunyelwa ukuba idlale ingoma zayo kuleli kulandelwa imvumo ye- Federal Aviation Administration (FAA).

 

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds