uMthunywa
IZINGA lamanzi emadamu amakhulu elizweni liqhubeka lisehla kulandela ukuphela kwesigaba sokuna kwezulu osokubangele ukwehla kokugelezela kwamanzi emfuleni.
Isikhulumi seNational Water Authority (ZINWA) uMarjorie Manyonga uthe ukuqala kokulima kwebusika kanye lokudonswa kwamanzi emadamu ngamakhansili yikho osekwenze izinga lamanzi emadamu lehla.
Mhlaka 11 Nkwenkwezi 2020, izinga lamanzi emadamu belihlezi ku 51, 2 percent okuyikwehla kusilinganiso se 67, 6 percent sanyakenye.
Idamu le Gwayi Catchment lalilezinga lamanzi le 46, 9 percent, Manyame Catchment 72 percent kuthi iMazowe Catchment 76, 7 percent.
UNkkz Manyonga uthe iMzingwane Catchment ilesilinganiso se 46, 2 percent, Runde Catchment 43, 5 percent, Sanyati Catchment 44, 2 percent kuthi iSave Catchment 60, 7 percent. Ngenxa yalokhu abalimi kanye lalabo abasebenzisa amanzi abangakavuseleli izivumelwano zabo ukuze bagcinelwe amanzi emadamu.
