Izindlela zezenzo, yindlela zokusetshenziswa kwesilandiso esiyisenzo, siguquguquka silethe imiqondo eyehlukeneyo, ngokuguquguquka kwesenzo, ngenxa yezakhi ezehlukeneyo ezisetshenzisiweyo.
Ngendlela kaDoke kulezindlela ezinhlanu ezimqoka kube sekusiba lezimbili ezingacaci kuhle. Abanye bazibala zibe ngaphansi kwalezi:
Imihlobo yendlela zesenzo: Indlela eqondile/eqondisayo, indlela yesimo, indlela yamandla, indlela esabizo, indlela eyamile. Imitsho yezindlela zesenzo ngaphansi kwendlela, ukuvuma lokulandula. Indlela – Eqondile – Ukuvuma – umfana uhamba kancane – Ukulandula – Umfana akahambi kancane. Indlela – Eyesimo – Mtshiye uma ehamba kancane Ungamtshiyi uma engahambi kancane.
Indlela – Eyamandla – Angahamba kancane phela lowo. Ukulandula – Angehambe kancane lowo.
Ukwakheka lokusetshenziswa kwezindlela zesenzo:
Indlela eqondisayo — Indlela eqondisayo ilazo zonke izikhathi: inkathi yamanje, eyedlule lezayo.
Indlela Eqondisayo/Inkathi yamanje kumbe isikhathi esizayo: UZwelo ugada ibhasi. Kulo umutsho sithola ukuthi indlela eqondile, inkathi yamanje, ukuvuma, lalezi zakhi: Isivumelwano sikamenzi esiqondane lesigaba sebizo lelo elingumenzi kanye lesiqu sesenzo. Isibonelo: UZwelo ugibela ihhashi –u + -gibela (Isivumelwano sikamenzi sesigaba 1) (isiqu sesenzo). Izinkomo zidla utshani. –zi- + -dla (Isivumelwano sikamenzi sesigaba 5) + (Isiqu sesenzo). Funda lokhu mfundi singaka dluleli phambili.
