uMthunywa

Izikolo ziyavulwa kumaviki amabili azayo

YiNtatheli kaMthunywa
IZIKOLO zizavulwa kumaviki amabili alandelayo kusenzelwa labo okumele babhale imihloliso yabo, njalo labo ababhala iCambridge bazavula mhlaka 14 Mpandula kuthi labo abazabhala iZimSec bazaqala ukufunda mhlaka 28 Mpandula.

Laba bagoqela abenza uFomu 6, Fomu 4 kanye labo Grade 7, njalo imihloliso yeZimsec kukhangelelwe ukuthi iqale ukubhalwa ngoMpalakazi.

UGatsha olubona ngezeMfundo yaphansi lusebenzelana eduze lezinye ingatsha kanye labathintekayo ukuze kubonakale ukuthi abantwana kanye lababalisi baphephile ngesikhathi sokulotshwa kwemihloliso.

Izikolo sezithunyelwe okukhangelelwe kizo ukuze izifundo ziqhutshwe kukanti ababalisi sebeqalile ukufundiswa ngokuvimba ukutheleleka kwababalisi kanye lezisebenzi zezikolo zomphakathi seziqalisile.

UMphathintambo obona ngokukhitshwa kwembiko uMonica Mutsvangwa uveze amalanga okuvulwa kwezikolo ngemva komhlangano wekhabhinethi ngoLwesibili ntambama. Uthe isikhathi sisesekhona sokwenza amalungiselelo akhangelelwe ngabezempilakahle andubana kuvulwe izikolo.