uMthunywa
Thokozile Mbedzi
KULEZIGEBENGU ezintathu zakoChurumanzu okubikwa zigqekeze emzini womunye usomabhizimusi zambopha andubana zimbhaxabule umzimba wonke ngezigodo zabaleka le-US$1 700 labomakhalekhukhwini abahlanu.
Usomabhizimusi lo, uTatenda Chaka olesitolo esithengisa impahla yokwakha endaweni yamabhizimusi yeChaka kubikwa uhlaselwe yizigebengu lezi mhlaka 30 Lwezi ngehola lesificaminwe mibili ntambama zithwele izigodo.
Omele isikhulumi samapholisa eMidlands uAssistant Inspector Fungai Ngawagare uthe abathathu laba bebona ukuthi uChaka ngeke esabalwisa baqala ukudinga imali babona isisefa esasilemali esasinamathiselwe emdulwini bathatha amakhiye akhona basivula bathatha imali engangeUS$1 700 kunye labomakhalekhukhwini abahlanu.
Kubikwa abathathu laba batshiya usomabhizimusi lo elokhu ebotshiwe.
“Amapholisa acela uzulu ongabe elolwazi lokuthi abetheswacala ngobani azise amapholisa aseduzane.
“Uzulu uxwayiswa njalo ngamapholisa ukuba bengabogcina imali ezinkulu endlini ngoba akuphephanga,” kuphetha uAsst Ngawagare.
