Izigaba zezigameko loVic Jita

19 Jul, 2018 - 00:07 0 Views
Izigaba zezigameko loVic Jita uVic Jita

uMthunywa

Vusumuzi Ndlovu
Isihloko seDlalade: Phases
Umculi: Vic Jita

UNEWTON Mpala, odume ngokuthi nguVic Jita usekhuphe iEP uPhases. Lelidlalade liphekwe ngohlonzi lomculo wabatsha olweSghubh’ Kwela, oluhlanganisa i-hip-hop, kwaito le-trap. Ulimi olusebenza kakhulu lapha yisiNtu sakulezinsuku (township lingo) esidibene lesiZulu lesiLungu. Kungasenani, asicubungule ingxoxo axoxa ngazo ngengoma eziyisitshiya galombili kudlalade lakhe.

Usungula isingeniso sedlalade lakhe ngoStraadi. Ku-The Speech ukhuluma ngendlela esezivulekile kuhambo lwakhe lomculo njalo ufisa ukuphumelela. Ufanisela ngabanye abaculi abakhulu abafana loDavido encoma ukuphumelela kwabo. Ukhonza ilokitshi aphuma kilo elePumula njalo ebonga ukuba limlole waba lalobu buciko alabo ngomdlalo wamagama lokucula.

Kungoma yesithathu uNeks udibana loSilolaMkhonto, ekhuluma ngabantu abakhuluma kakhulu, abazitshaya isifuba beziqakezela ngokuthanda ukubonakala, bona kodwa bengelalutho. Bayahlangana njalo ku“Mawune Mali”. Lapha ubuza uK Brizzy ukuba umuntu engaba lemali engenzani, njalo uyasitshela ukuba kunguye engafisa ukuba angenzani nxa engathola loba i“2Stina”, inkulungwane ezimbili.

KuSkeem uVic ubuza uSilolaMkhonto ukuba ukhala ngani njengoba into yonke ihlangene, sebeholile begqoka impahla zohlonzi oluphezulu ezifana lezeAraKhani benatha okumnandi besidla izithukuthuku zamandla abo. Ku-You Don’t Know uyachaza ukuba engahlulelwa ngabantu ngoba lude uhambo aseluhambile njalo laye udlule kokunengi ukuze afike lapho akhona.

KuSihloko sedlalade uPhases, uNewton usefisa ukubona inguquko ngempilo yakhe. Ukhuluma ngalapho asuka khona, ufisa ukuguqula isimo ngekhaya enelise ukunakekela imuli yakhe lokutholela umama wakhe ikhaya elihle, njengezifiso zabo bonke abentanga yakhe. Udibana loJay Dumza bephetha idlalade kuProblems, ekhuluma ngenhlupho zabo lokulungisa indaba zothando lentombi zabo. Uyabuza intombi yakhe uVic ukuba ilemizwa enjani ngaye, lokuthi bengaxoxisana ngazo belungise uthando lwabo ngoba yena uzimisele ngaye.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds