IZifa iletha impucuko

03 Jan, 2019 - 00:01 0 Views
IZifa iletha impucuko Felton Kamambo

uMthunywa

Nkosilathi Sibanda

IBHOLA lenyawo kuleli lizathi ukuphucuka kancane njengoba sekuvele ukuthi ababukeli bomdlalo sebezathenga amatikiti okungena  enkundleni phambili komdlalo, okutsho ukuba kungenzakala amatikiti la athengiswe ngamakhompuyutha kusukela kulinyanga.

Inhlanganiso yeZimbabwe Football Association ibika ukuba izimisele ukuthi igcwalisise isithembiso lesi ihlose ukwehlisa izehlakalo zokutshontshwa kwemali emagedini enkundleni. IZifa ithe izazama ukuthi amatikitiki omdlalo weZimbabwe leCongo Brazaville athengiswe ngokuphangisa umdlalo ungakafiki.

Ekhuluma loMthunywa ngelanga lokucina ngomnyaka odluleyo, uMkhokheli omutsha weZifa uFelton Kamambo uthe baphezulu kokulungisisa loludaba.

Amazwe womabili adibana kumdlalo womkhankaso wenkezo ye-Afcon.

“Kuliqiniso sibili ukuthi sifuna amatikiti emidlalo yethu athengiswe kusetshenziswa indlela zakulezi insuku. Lapha senqabela ukuthi kungabi lokuxokozela mhla welanga lemidlalo kanye lobusela emagedini,” kutsho lumkhokheli.

Ukuze iphume laleliqhinga, inhlanganiso yeZifa ibinanzelele ukuthi kwabalengxabangxoza mhla amaWarriors edlala le-Democratic Republic of Congo ngomnyaka odluleyo.

Loba iZifa isihambe phambili ngokuthengiswa kwamatikiti ngendlela ephucukileyo, inhlanganiso yePremier Soccer League yake yakubika ukuthi layo isizahamba ngohlobo olufanayo.

Amaligi amanye amazwe asebenzisa imitshina yamakhompuyutha okwenza kubelula ukuthi abalandeli benelise ukubhadala ilanga lomdlalo lingakafiki. 

Ngo2014, iPSL yathembisa ukuthi izaletha amakhompuyutha emagedini enkundla zonke ukwenzela ukuthi kube lula ukubhadalisa ababukeli. 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds