uMthunywa
Izibanjalo zokukhomba/ezikhombayo
La amagama akhomba eduze, buqamama lakude kodwa ebe engayisizo izabizwana zokukhomba. Zingahlelwa ngendlela elandelayo: Kusigaba 1 isibanjalo esikhomba eduze ngu/nangu/. Esikhomba buqamama ngu/nango/.
Isibanjalo esikhomba kude ngu/nanguya/. Kusigaba2 isibanjalo esikhomba eduze ngu/laba/ kumbe /nampa/.
Isibanjalo esikhomba buqamama ngu/labo kumbe nampo/. Isibanjalo esikhomba kude ngu/labaya kumbe nampaya/.
Isibanjalo sokukhomba kusigaba 3 ngu/nanku/. Esikhomba buqamama ngu/nanko/. Isibanjalo esikhomba kude ngu/nankuya/. Kusigaba 5 isibanjalo esikhomba eduze ngu/nanti/. Isibanjalo esikhomba buqamama ngu/nanto/.
Isibanjalo esikhomba kude kulesi sigaba ngu/nantiya/. Kusigaba 6 isibanjalo esikhomba eduze ngu/nanka/.
Isibanjalo sokukhomba buqamama ngu/nanko/ Isibanjalo esikhomba kude ngu/nankaya/.
Isibanjalo sokukhomba eduze kusigaba 7 ngu/nansi/. Buqamama ngu/nanso/. Isibanjalo sokukhomba kude ngu/nasiya/.
Uzonanzelela ukuthi kwezinye izibonelo eziphiweyo kulezigaba zamabizo ezilezibanjalo zokukhomba ezihamba ngazimbili. Izibonelo sizithola kusigaba 2, 3, 4, 5, 6, 9, 11, lo 12. Singajobelela u-na kusibanjalo sokukhomba kude kanje: nanguyana, nansiyana, nampayana.
Funda ikhasi leli kutsha ukuze uzwisise indlela izibanjalo lezi ezakhiwe ngayo.
