Izavuma uku ‘topolwa’ iCaps?

20 Apr, 2023 - 00:04 0 Views
Izavuma uku ‘topolwa’ iCaps? Caps United

uMthunywa

Nkosilathi Sibanda

IQEMBU leChicken Inn lizibiza ngelithi “Topola Topola” ngoba lisithi okwalo elikwaziyo yikunqoba amanye amaqembu kuligi yeCastle Lager.

Lakanye ithe ithwala inkezo ephakemeyo ngesizini ka-2015, iChicken Inn izitshaye yaziphendulela, yaba lodumo lokuthi iya “Topola” njengenkukhu.

Kuzalindwa ukuze kubonakale ukuthi lokhe lisakwenelisa lokhu mhla lidlala leCaps United enkundleni yeBarbourfields.

ICaps United iza koBulawayo iphezulu kwengalane kumidlalo emihlanu. Zombili azikanqotshwa. AmaKepeKepe aphethe imiklomelo elitshumi lanye, kuthi amaGamecocks abambe eyisikhombisa. Okwehlukanisa amaqembu la yimidlalo esinqotshiwe. Izethekeli sezinqobe kathathu njalo kukhanya igedi aziliphumputhi nanko sezihlohle amabhola ayisithupha. Abafana bakoBulawayo sebenelise ukunqoba kanye, baba ngutshiki lobhanqa kane, bahlohla kathathu.

Inkukhu lezi zithe pekle kunombolo yesitshiya galolunye lemiklomelo eyisikhombisa.
Inombolo lezi ziveza kuhle ukuthi izethekeli ziliqembu eliqinileyo.

Kulokhu, umqeqetshi weChicken Inn uPrince Matore wazise iphephandaba likazulu ecingweni wathi sebelungisile konke obekubaphambanisa.

“Siyaphambili. Asikhangeli okunengi okwenzakale kumidlalo edluleyo,” kutsho uMatore.
IChicken Inn idlale kwaba yi 2-2 labomakhelwane, iBulawayo Chiefs ngempelaviki edluleyo.
Imidlalo yeligi yeCastle Lager ngeviki lesithupha:

NgoLwesihlanu: ZPC Kariba v Manica Diamonds (National Sports Stadium)
NgoMgqibelo: Yadah v Highlanders (National Sport Stadium), Greenfuel v Ngezi Platinum (Gibbo), FC Platinum v Triangle (Mandava), Hwange v Cranborne (Luveve), Black Rhinos v Herentals (Baobab)

NgeSonto: Chicken Inn v Caps United (Barbourfields), Sheasham v Simba Bhora (Mandava), Dynamos v Bulawayo Chiefs (National Sports Stadium) — @NkosieLegend

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds