Uncategorized

Izakhamizi zibamba isela lentambo zamagetsi eNguboyenja

12 Jan, 2023 - 00:01 0 Views
Izakhamizi zibamba isela lentambo zamagetsi eNguboyenja intambo zamagetsi

uMthunywa

Thokozile Mbedzi

LIYIFUNDE ivaliwe elinye isela leNguboyenja koBulawayo kulandela ukubhaxabulwa yizakhamizi zelilokitshini ngemva kokubanjwa litshontsha intambo zamagetsi.

Kubikwa uMbekezeli Soleka oleminyaka engu-22 ubanjwe yizakhamizi esequme intambo zamagetsi.
uzwe ukuthi ngoMvulo kuyonale iviki esinye isakhamuzi esileminyaka engu-49 emadabukakusa sezwa umsindo wentambo eziwayo phandle salunguza sabona umetheswacala esehla kuphowulu yamagetsi.

Kubikwa isakhamuzi lesi salunguza ngefasitela sabona uSoleka esehla phezulu kwentambo zamagetsi wabuye wamuzwa esezidonsa okwenza watshaya impembe yokuvusa omakhelwane bavuka bayaphandle babona umzila wentambo ebezidonswa.

UMthunywa uzwe ukuthi bazama ukulandela kodwa kwakumnyama phandle.

Isikhulumi samapholisa koBulawayo uInspector Abednico Ncube uveze ukuthi izakhamizi lezi khonokho zabona umuntu ebaleka zamgijimisa zamfica ele-side cutter okwenza zakholwa ukuthi nguye obetshontsha intambo zamagetsi.

uInspector Abednico Ncube

“Amapholisa abophe okucatshangelwa ukuba nguye ontshontshe intambo zamagetsi.

“Okwenziwe nguzulu kuyabongeka kakhulu, njengamapholisa sifisa ukuveza ukubonga ngokusebenzelana lozulu ukulwisana lamacala ezindaweni zabo. Sikhuthaza ezinye izakhamuzi ezingakenzi lokhu ukuthi zisebenzelane ndawonye lamapholisa.

“Umetheswacala uphathisa amapholisa ukuphenyisisa ngodaba lolu,” kuphetha uInsp Ncube.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds