Uncategorized

Izakhamizi zeNketa zilwisana lamasela entambo zamagetsi

13 Jun, 2024 - 00:06 0 Views
Izakhamizi zeNketa zilwisana lamasela entambo zamagetsi ULearnmore esebanjiwe lamacopper cables

uMthunywa

Thokozile Mbedzi 

KULAMADODA amathathu amangalise izakhamizi zelokitshini  leNketa 7 koBulawayo ngemva kokuba equme intambo zamagetsi ahlasela lezakhamizi ngeSonto yonale esanda kwedlula.

Kubikwa uLearnmore Kayambo oleminyaka engu-31 ohlala eCowdray Park ,uNdodana Nyathi lo Dala okungasatholakalanga isibongo sakhe bonke bengabe Cowdray Park baqume  intambo zamagetsi zamalayini amabili ezingaba ngama 30 metres ubude bagqekeza ifrench door, batshaya leHonda Fit elombala oyiblue iwind screen kanye lefasitela lesandleni senxele endlini kaMnumuzana Tinotenda Honye.

Ekhuluma lentatheli kaMthunywa uMnumuzana Mbongeni Maphosa  uthe okwenziwe yozogebengu lezi kulihlazo.

“Sibone into yamehlo silapha sitshe amathe abantu besizilalele phakathi phakathi kwamabili amasela  afika aquma intambo zamagetsi amalayini  amabili . Omunye wabomakhelwane  wethu uMnu Honye uzwe ukuba kukhona okwenzakalayo phandle wasevula ifrench door yakhe ngenhlonso yokuba abone ukuba kwenzakalani phandle.

“UMnumzana Honye uthe esithi kufrench door yakhe kwacacadeka amagilasi awela phansi.

“Sokwenzakele lokhu uMnu Honye waqina njengendoda wama ngesibindi waphuma phandle wabiza omakhelwane abahle baphangisa ukuvuka bancedisana lama neighbourhood  watch committe ukuba balwisane lamasela.

“Ekulwisaneni lama sela la omunye wabomakhelwane utshaywe ekhanda ngelitshe walimala kabuhlungu wagijinyiselwa eUBH ukuze ayekwelatshwa.

“Ababili laba uNdodana lo Dala sebebona ukuba omakhelwane sebevukile njalo sebezobahlasela bahle babaleka uLearnmore yena uhle wabanjwa yizakhamizi.

“Abantu  bonke sebemanyene sebehlolisisa umonakalo kwabonakala ukuba  amalayini amabili ecopper aqunyiwe icopper engaba lobude obungange 30 metres, kwatshaywa imota kwabulawa iwindscreen lefasitela yesandleni senxele.

“Izakhamizi sezibambe omunye wamasela kazange aphuze ukukhuluma amabizo abanye bakhe amapholisa abikelwa,” kulandisa uMnu Maphosa.

Isikhulumi samapholisa koBulawayo uAssistant lnspector Nomalanga Msebele ebuzwa ngodaba lolu uvumile ukuthi kulamasela atshotshe icopper wire atshiya ehlasele izakhamizi.

“Izakahmizi zenelise ukubamba isela elilodwa amanye amabili enelisa ukubaleka. Sisaphenyisisa ngodaba lolu,” kuphetha uAssnt lnsp Msebele.

 

Share This:

Sponsored Links

Survey


We value your opinion! Take a moment to complete our survey

This will close in 20 seconds