uMthunywa
Ethel Ncube
KULENINA eliphuma eTsholotsho ngaphansi kwenduna uGampu eselizakhele udumo kwezomculo eMzansi Afrika nanko licula amaphimbo amnandi ohlobo lwe-popular music.
Induna uGampu weTsholotsho
UNobuhle Makhwelintaba yena owazakala ngokuba nguDj komunye umsakazo weSouth Africa setshengise ithalenta lokuhlabela njalo ecula ingoma zakhe ngolimi lwesiNtu.
UMthunywa uxhumane lomhlabeleli lo oveze ukuba uyakuthanda ukucula.
“Ukuhlabela ayisonto elula njalo nxa usaqala uyabe ungazi ukuthi abantu bazakwamukela na ikakhulu nxqa uhlabela umculo omutsha uyabe ungazi ukuthi uzulu uzakwamukela njani? Okunye okunzima zimali nxa uqalisa kodwa nxa uzimisele konke kuyaphutsha. Mina ngaqala ukuhlabela ngo2021 ngaqala ngedlalade lami elilodwa abantu bathe belizwa balithanda ngahle ngaqhubeka ngokuhlabela,” kutsho uNobuhle
Uqhubekele phambili eveza ukuba ukuhlabela yindlela yokuhambisa imbiko.
“Ukuhlabela kumele sikuqakathekise ngoba esikhathini esinengi yindlela yokuveza imizwa kumbe ukuveza umuntu akucabangayo. Ezinye ingoma ziyakha lokulaya lokujabulisa abantu.
Ngithanda ukukhuthaza omama ukuthi bangesabeli khatshana nxa bethanda ukucula, kabangene kwezomculo baphakamise ezomculo,” kuphetha uNobuhle.
