Ethel Ncube
KULOMCULI kamaskandi odabuka eSizeze, eGwanda ocula eseSouth Africa osekhiphe idlalade elikhwabithwa nguzulu osokwenze kwathengwa amakhophi angu-30 000 ebulenjini.
Umhlabeleli lo obizwa ngelokuthi Menelisi Ndlovu uhlabela umculo kamaskandi njalo usetshengisele ukuthi ulethalenta elimangalisayo nanko phela uthi umsebenzi awenza kungoma yakhe entsha le usungconywe linengi labantu eZansi kanye lakwezinye indawo.
UMthunywa uxhumane lomhlabeleli lo ecingweni wachaza kabanzi ngomculo wakhe.
Umfanekiso lo uthethwe kuShutterstock
“Umculo yinto engikhule ngiyithanda njalo ngaqala ukuhlabela ngo2016. Ngilenkampani yezomculo lapho engipheka khona njalo ngisize abanye ukupheka umculo.
“Ukuhlabela vele kungaphakathi kwami njalo lokhe ngaqala ukuhlabela angikaze ngikhiphe ingoma emnandi njengale engiyikhiphe lonyaka ethi ‘Umfoka molo ne dlamanzi’.
“Abantu abanengi abazwisisi ngengoma le bathi imnandi iyatshisa kukanti lokuthengwa ithengiwe sibili kubulembu. Senelise ukuthengisela abantu abangu 30 000 ebulenjini,” kubika uMenelisi.
Uqhubekele phambili eveza ukuba ingoma le iguqule impilo yakhe. “Ingoma le iguqule impilo yami kakhulu njalo ngibonga labalandeli bami ngokungisekela belandela umculo wami. Ingoma mina ngiyazibhalela ngiphinde ngizihlabelele konke ngiyazenzela.
“Konke lokhu kudinga uthando kulokhu okwenzayo kanye lokuzimisela.
“Kubo bonke abaculi abasacathulayo ngithanda ukuthi ngilazise ukuba uhambo lokucula alukho lula. Ludinga umuntu olesinike njalo ozimiseleyo. Ungenza njalo kwelinye ilanga konke kuyakuhambela.”