YiNtatheli kaMthunywa
IQEMBU eselizakhele udumo kwezomculo, elihlabela i-rhumba, elaziwa ngokuthi ziNsimbi zeZhwane, selipheke ividiyo entsha ngenhloso yokukhulisa umculo walo lokukholisisa abalandeli.
Ividiyo le, eyethulwe kweleSouth Africa, ilesihloko esithi Imbulumakhasane.
INsimbi zeZhwane, liqembu eliloMeluleki “Brema” Moyo loElvis “Ma-Eli” Mathe. Bobabili badabuka esigabeni seTsholotsho. Baveze ukuthi
bafuna abalandeli bayijabulele ividiyo yengoma le esithandwe linengi labalandeli bomculo wabo.
Ekhuluma lentatheli uMeluleki, owazakala ngokuthi nguBrema kwezomculo, uthe balokuthaba ukuba ividiyo yabo yakuqala isiphumulile.
“Sijabule kakhulu ukuba sesilevidiyo yethu njalo siyipheke ngenjongo yokuthi abangakaze basibone kodwa behlala besizwa ngomculo wethu,
basibone khathesi. Sikhangelele ukwenza amavidiyo amanengi nxa le esiyikhuphileyo ingathola usekelo,” kutsho uMeluleki.
Uthe sebephezulu kokupheka elinye idlalade.
“Sisapheka elinye idlalade lezingoma esikhangele ukuthi liphume, liye ebantwini ngeKhisimusi.”