Iyaqhubeka imidlalo yobungane

14 Nov, 2019 - 00:11 0 Views
Iyaqhubeka imidlalo yobungane

uMthunywa

YiNtatheli kaMthunywa

ABATHANDI bebhola lenyawo emalokitshini akoBulawayo sebezachitha isizungu kulimpelaviki lapho okuzadibana amaqembu ayedlula itshumi angaphansi kwenhlanganiso yeBulawayo Social Soccer League.

Isikhulumi seligi le, uJemias Cheteni ubikele uMthunywa ngoLwesithathu emini ukuba imidlalo yobungane le bekumele idlalwe kuze kuyevalwa loba nje isikhathi sezulu sidala ukutota kwenkundla.

“Kuyafiwa ngemidlalo kulimpelaviki ngaphansi kweligi yemidlalo yobungane koBulawayo. Sizagcwala amalokitshi wonke. Silemidlalo eyedlula itshumi kulimpelaviki. Isizatho sokuthi sibe lemidlalo yonke le yikuba sisemuva ngenxa yokwanda kwamaqembu ethu”

IBulawayo Social Soccer League idlalelwa ngamaqembu angu-50 ayehlukaniswe ngamaqula amabili.

Esethula uluhlu lwemidlalo, uCheteni uthe iqembu leZulu Chiefs lizadlala le-94 Strivers enkundleni yeMarisha eMagwegwe.

Elokitshini leMatshobana abadlali bePioneer banxusa iPumula Crackers, ngelanga elifanayo iReal Shwelele izadibana leGwabalanda enkundleni yeNyathi. Iqembu leHappy Valley lingqikilana lePhelandaba koMazayi eMakokoba.

Imidlalo yeBSSL kulimpelaviki:

Pioneer v P/Crackers (Matshobana), Shwelele v Gwabalanda (Inyathi), Happy Valley v Pelandaba (Mazai), Zinwa v Wembley (Mambo, Tshabalala), Celtics v Real Magwegwe (Emganwini), Iminyela v FC Stars (Ndola), Zulu Chiefs v 94 Strivers (Marisha, Magwegwe), Old Timers v FC Pirates (Pumula North), Edgars v Makwe (Somhlolo), Pata Pata v Brotherhood (Iminyela).

Share This:

Sponsored Links