Iyabulala izibungu ihanyanyisi

27 Jun, 2019 - 00:06 0 Views
Iyabulala izibungu ihanyanyisi

uMthunywa

Bongani Ndlovu

ABALIMI bakhuthazwa ukuba balime ihanyanisi lapho abalime khona imibhida ngoba iyabulala izibungu ezihlasela isilimo lesi.

UMnumzana Tafadzwa Nyoni ongumlimisi esabelweni seMatabeleland South uchaze ukuba ihanyanisi iyanceda ukubulala izibungu.

“Abalima imibhida hlanyelani ihanyanisi eceleni kwemibhida. Ihanyanisi iyaxotsha izibungu emibhideni.

“Khathesi yisikhathi sezibungu njalo lomuthi wakhona uyadula. Umuthi wamahala ukhona; ihanyanisi ungayihlanyela awusoze ube lohlupho lwezibungu,” kubika uMnu Nyoni.

Uqhubekele phambili echaza ukuba ihanyanisi  ilusizo kakhulu.

“Ihanyanisi ilomnuko ohitsha izibungu ngakho ungayihlanyela lapho ofake khona imibhida azisondeli ngitsho, izibungu zihle zibaleke. Kungakho-ke ngikhuthaza abalimi ukuba bahlanyele kakhulu ihanyanisi ibulale izibungu ukuze zingababulaleli imali ngokudla imibhida. 

“Kungcono ukuba uvikele izilimo zakho kulokuthi ukhuphe eyinye imali uthenga umuthi wezibungu wena usenelisa ukuhlanyela ihanyanisi eqeda izibungu,” kuveza uMnu Nyoni.

Uphethe ngokuveza ukuba ihanyanyisi ilakho ukunothisa umlimi lapho ihlanyelwe kuhle.

“Obunye ubuhle bayo ihanyanyisi yikuthi ilakho ukunothisa umlimi ngoba yona ingadingi imithi eminengi njalo iyaphangisa ukuvuthwa.

Ihanyanisi inhle ngoba idliwa malanga wonke njalo umkambo wayo uyaphuma langaphandle kwelizwe okungasiza ngemali yangaphandle kumlimi ukuze enelise ukuthenga ezinye izinto ezingekhoyo epulazini lakhe,” kuphetha uMnu Nyoni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds