Uncategorized

Ixhegu (66) lizisika-sika isisu nge-razor life

23 May, 2024 - 00:05 0 Views
Ixhegu (66) lizisika-sika isisu nge-razor life UAssistant Inspector Wiseman Chinyoka

uMthunywa

YiNtatheli kaMthunywa

ZISELE zithithibele njalo zethukile izakhamizi zeBuhera, ngemva kokuba elinye ixhegu elileminyaka engu-66 yokuzalwa lizisika-sike isisu nge-razor lafa.

Amapholisa afakaze ngesehlakalo lesi esenzakale esigabeni seKandenga ngaphansi kwenduna uNyashanu.

Kubikwa ixhegu leli, uEdson Kandenga utholakale ethe daca phakathi kwechibi legazi ngemva kokuzisika sika isisu nge-razor.

Kubikwa ngalolosuku ntambama ngehola lesitshiyagalombili osengumuyi, uEdson Kandenga wasukuma esiyalala watshiya amanye amalunga emuli ekwejisile emkulwini. Kuthe ngemva kwesikhatsha, wezwakala ebiza indodakazi yakhe ecela ukuthi imphathele amanzi okunatha. 

Ekufikeni kwakhe wathola uyise ethe daca echibini legazi. Ebona lokhu wahlaba umkhosi wawulawula ecela uncedo.

UKandenga wagijinyiselwa ekilinika ngunkosikazi wakhe kodwa kwatholakala ukuba usedlule emhlabeni. 

Omele isikhulumi samapholisa esabelweni seManicaland, uAssistant Inspector Wiseman Chinyoka, uxwayise uzulu ukuthi ukukhathazeka kwengqondo kunye lokungaphatheki kuhle emoyeni kwenza abantu bacine bethatha izinqumo ezingaqondanga ezinjengokuzibulala. Ngakho-ke kuqakathekile ukuthi abantu bakhulumisane.

“Ngithanda ukuxwayisa uzulu ukuthi asizifundiseni ukukhulumisana labanye emphakathini nxa kukhona okusikhathazayo engqondweni lasemoyeni, ngoba ukungakhulumi yikho okubangela ukuthatha izinqumo zokuzibulala,” kuphetha uAsst Chinyoka.

 

Share This:

Sponsored Links

Survey


We value your opinion! Take a moment to complete our survey

This will close in 20 seconds