uMthunywa
YiNtatheli kaMthunywa
INHLANGANISO ebona ngezeVeterinary Services isiveze ukuthi izathatha amanyathelo aqinileyo kulabo abathwala izifuyo zabo bezisusa endaweni ezilomkhuhlane we-Foot and Mouth bezisa kwezinye indawo ngaphandle kokuthola imvumo yokwenza lokhu.
UMqondisi omkhulu kunhlanganiso yeVeterinary Services uDokotela Josphat Nyika uveze lokhu ensukwini ezisanda kwedlula ethi lokhu kuzaphathisa ukuthi kwehliswe ukufa kwenkomo elizweni lonke jikelele.
I-Foot and Mouth ngumkhuhlane obangela izilonda emlonyeni kunye lasemasondweni esifuyo. Izilonda lezi ziqala zingathi ngamathuthuva. Umkhuhlane lo uhlasela inkomo, imbuzi, izimvu kunye lengulube.
I-Foot and Mouth ngumkhuhlane obangela izilonda emlonyeni kunye lasemasondweni esifuyo. Izilonda lezi ziqala zingathi ngamathuthuva. Umkhuhlane lo uhlasela inkomo, imbuzi, izimvu lengulube.
“Sesifuna ukuqinisa umthetho ikakhulu kubalimi abangalandeli umthetho. Labo abazatholakala bethwala izifuyo bezisusa endaweni ezivame ukuhlaselwa yiFoot and Mouth bazalahlekelwa. Njengenhlanganiso siyavunyelwa ukuthi sibulale, singcwabe kunye lokutshisa izifuyo ezithwala kungelamvumo. Le yiyo indlela yokuvimba ukumemetheka komkhuhlane lo.
“Sifuna ukuvimba ukumemetheka kwemikhuhlane ezifuyweni ikakhulu ngesikhathi sezulu lapho imikhuhlane yenkomo ememetheka khona masinyane,” kuchasisa uDkt Nyika.
Sebebanengi abantu ababanjwa bethwala izifuyo zisuka endaweni ezandise ukuhlaselwa ngumkhuhlane lo, okubangela ingozi yokuhambisa umkhuhlane lo endaweni ezingelawo. Uthe lezonkomo ezithwalwa okungekho emthethweni zabulawa, okubangela ukulahlekelwa okukhulu komlimi.
Veterinary Services uDokotela Josphat Nyika
Ensukwini ezisanda kwedlula kwabanjwa imbuzi ezingu-81 eChegutu zisuka endaweni elomkhuhlane we-Foot and Mouth eGokwe koChireya zabulawa zatshiswa.
Ukutshabalaliswa kwezifuyo kuhlose ukuthi kulwise ukumemetheka komkhuhlane we-Foot and Mouth, njalo inhlanganiso le iyavunyelwa ukubulala, ukutshisa kanye lokungcwaba izifuyo ezithwalwa ngokungekho emthethweni.
