ITug of War eFolosi

20 Jun, 2024 - 00:06 0 Views
ITug of War eFolosi

uMthunywa

YiNtatheli kaMthunywa

KONKE sekumi ngomumo emqhudelwaneni weTug of War Africa ozakuba sedolobheni leVictoria Falls kulimpelaviki kusukela mhlaka 20 kusiya ku-23 Nhlangula.

Lo ngumncintiswano ocine ukubanjelwa eTransvaal, eSouth Africa ngomnyaka odluleyo, uzahlanganisa amaqembu angaba ngu-50, abesilisa labesifazane abamazwe asezansi yeAfrica, iGhana, iTanzania leZimbabwe.

Imidlalo izaqhutshelwa enkundleni zeVictoria Falls Council grounds. Obona ngezokuthengiselana, aphinde abeyinkokheli yabaqoqi bomqhudelwano lo uCharles Muyambi uthe loba bengatholanga usekelo olwaneleyo, sebelungiselele ukuqala umncintiswano.

“Silamazwe aseqinisekise ukuthi azabakhona okuhlanganisa iSouth Africa, Zambia, Tanzania leGhana. IGhana izabe izangena ngoLwesithathu. Asikalutholi usizo olwaneleyo ngakho sizasebenzisa imali ebhadalwe ngamaqembu. Kunzima kodwa yiyo indlela ekhona,” kutsho uMuyambi.

Uthe kuzaqhutshwa izifundo zabaqeqetshi labojaji andubana kudlalwe. “Kumncintiswano wabesilisa kuzadlalwa amahlandla amabili, ku720 laku640kg. Kwabesifazane, kuzancintiswanwa ku560 le520kg. Sizakuba lamahlandla ahlangeneyo ku580kg eyaziwa ngokuthi yi 4×4, okutsho ukuba kuyabe kudonsa omama abane, lamadoda amane.

Sikhangelele ukuba lamaqembu angu-50 aweZimbabwe. Kubomama kuzabe kule-20, obaba 30,” kubika uMuyambi.
Kubikwa amanye amazwe, iMadagascar, Uganda, Lesotho leBotswana, zehluleke ukubuya ngoba zingelamali.

Share This:

Sponsored Links

Survey


We value your opinion! Take a moment to complete our survey

This will close in 20 seconds