Itshova kamnandi iStars FC kumidlalo ye-BSSL

14 Sep, 2023 - 00:09 0 Views
Itshova kamnandi iStars FC kumidlalo ye-BSSL iStars

uMthunywa

Mandla Moyo

IMIDLALO yenguqu yobungane kuligi yeBulawayo Social Soccer iqhubekela phambili njalo kuyonale impelaviki lapho okukhangelelwe ukuthi zonke inkundla zemalokitshini zigcwale phamu ngababukeli.

Umqondisi wenhlelo zemidlalo kuligi le uBlessing Adolph Jonga ubike ukuba imidlalo izaqalisa ngehola lesitshiya ngalo lunye ekuseni.

Phakathi kwemidlalo le, okukhangelelwe ukuthi uhuge abathandi bakanobhutshuuzwayo yilo odibanisa ekhokhela kuqula lika-Pool A iStars FC leCowdray Park Masters elokitshini elidale eMinyela.

Loba zingakadlali, kulokukholwa okukhulu ekuthini kulumdlalo iCowdray Park Masters ayilibonanga ngempela ngoba kulezinsuku iStars FC ayifuni kudelelwa njalo iyabhula.

Kuqula lika-Pool B iqembu leDelta lalo lilokhe litshaya eziwayo maviki onke. Kuliviki lidibana leCongo enkundleni yeSizinda njalo impumela enhle ingajabulisa iDelta labalandeli bayo

Ku-Pool C kuyaxabana omakhelwane lapho iqembu le Celtics lizadibana leNkulumane. Impi yabo makhwelwane iyahlupha ngakho ke akwaziwa ukuthi lapha kuyozalwa nkomoni.

Imidlalo ekhona ngeviki lesi-28:

NgeSonto:

Kuqula lika- A: Zulu Chiefs v Brotherhood
(Marisha); Fireworks v Edgars (Luveve High); Fund’kulinda v Patapata (Tshabalala Extension); Stars FC v Cowdray Masters (Iminyela 1); Creamtata v Magwegwe Bullets (Lobengula Youth Centre); Glenkara v 70 Combination (Somhlolo); Tigers v Man U; (Mazayi); Vulavale v Makwee (Magwegwe North); Iminyela Timers v Mthala (Iminyela 1); Old Timers v FC Pirates (Pumula North)

Kuqula lika-B: Khami v West Comm (Khami); Delta v Congo (Sizinda); Santos v Pioneer (Isilwane Youth Centre); Happy Valley v Robert Sinyoka (Nguboyenja);94 Strivers v Bombers (T.M Cowdray Park); Gwabalanda vs Wembley (Amakhosi); Nketa v Mabuthweni
(Nketa); Emganwini Legends v B.C.T (Food 4 Less); Osiphatheleni v Hyde Park (Crescent);

Kuqula lika-C: Emganwini Celtics v Nkulumane (Food 4 Less); New Jack City v Zobha (Mazayi); Finance v Skippers (T. M Cowdray Park); Real Shwelele v Wolves (Inyathi Youth Centre); CIWU Legends v South Gunners
(Desert); Mayihlome v 11 Stars (Inyathi Youth Centre); Bangane v Luveve (Choppies Nkulumane 11); Matshobane v Sekusile (Matshobane); Siyabangena v Real Magwegwe (Phekiwe)

Share This:

Sponsored Links

Survey


We value your opinion! Take a moment to complete our survey

This will close in 20 seconds