Uncategorized

ISomvubu High, zintshantshu yenkezo ye-Orap Zenzele Isuzu

10 Jun, 2024 - 21:06 0 Views
ISomvubu High, zintshantshu yenkezo ye-Orap Zenzele Isuzu Abadlali besikolo seSomvubu High

uMthunywa

Nkosilathi Sibanda

ISIKOLO seSomvubu High School sesitshengise ukuthi ithalenta lezemidlalo ligcwele emaphandleni.

Lesi isikolo, esisesiqintini seBubi esabelweni seMatabeleland North, sidlale kakuhle ngoMgqibelo, lapho sifinyelela ku-final yabafana lamantombazana ku-Orap Zenzele Isuzu Cup Tournament enkundleni zeGifford High.

Amantombazana anqoba iSiyoka secondary eseBeitbridge nge 1-0. Abafana banqotshwe yiHwange High nge 1-0. Abadlali beqembu lamantombazana abathole izicoco kubengu-Aaliyah Dube loNolwazi Mathuthu abahlohla amabhola munye ngamunye kulumqhudelwano.
Unozinti wabo uSandra Ncube kazange ahlohlwe.

Umncintiswano we-Orap Zenzele Isuzu Cup Tournament wacina ukuqhutshwa ngo-2019, andubana umiswe yikumemetheka komkhuhlane we-Covid 19.

Lonyaka izikolo ebezikhona kumidlalo yabafana yiSomvubu High, Hwange High, Manjolo High, Cyrene High, Embakwe High, Maboleni High leFatima High.

Kumantombazana bekuleSombuvu, Guwe, Siyoka, Townsend, Nkankezi, Mbalabala, Whata le Fatima.

Umphathisikolo weSomvubu High, uKhumbulani Sibanda uthe: “Kuyajabulisa ukubona ukuthi amaqembu ethu amantombazana enza kanjani kuwo wonke amazinga emiqhudelwano. Lokhu kuyimpumela yokuzimisela esakwenzayo ekulolonga abadlali laba. Kunhlelo zethu zemidlalo esikolo sethu, lokhu bekumayelana lokukhetha abaqeqetshi abafaneleyo,” kutsho uSibanda.

Umqondisi wezemidlalo eGifford High School Collett Murombo ubonge kakhulu Inkampani ye-Isuzu lenhlanganiso ye-Orap.

“Isibongo esikhulu siyaku-Autoworld Isuzu le Organisation of Rural Associations for Progress, iOrap. Thina ezikolo sizahlala sibabonga ngokuhle abakwenzileyo, ekuthuthukiseni imidlalo yabantwana.

Share This:

Sponsored Links

Survey


We value your opinion! Take a moment to complete our survey

This will close in 20 seconds