Uncategorized

Isisebenzi seSolusi University sizibulala ngokuzibophela

23 Mar, 2023 - 00:03 0 Views
Isisebenzi seSolusi University sizibulala ngokuzibophela Ukuzibophela

uMthunywa

Thokozile Mbedzi
KULENDODA ebisebenza eSolusi University ezibulele ngokuzibophela ngemva kokuba kwenziwe ucwaningo lwengwalo zemali enyuvesi le.

Kubikwa uNdumiso Sibanda (37), osebenza engumphathi wezimali kubandla le-Seventh Day Adventist eSolusi, ubephinda asebenze engumbalisi enyuvesi le.

UMthunywa uzwe ngaloludaba kubafakazi abaqotho abathe umuyi wakhanya ekhathazekile ngemva kokuba sekwenziwe inhlolisiso.

Lamapholisa abikele iphephandaba likazulu ukuthi baluzwile udaba.

“Udaba lwendoda ezibopheleyo solufikile ehofisini yethu njalo amapholisa asaphenyisisa ngakho,” kutsho uAssistant Inspector Thandolwenkosi Moyo.

Omunye wabafakazi laba ohlala eSolusi, uMnumzana Stephen Nyoni uthe umuyi wathumela uyise umlayezo we-WhatsApp mhlaka 18 Mbimbitho emtshela ukuthi uyaxolisa ngalokhu akwenzayo.

WhatsApp

“Sehlelwe liyezi elimnyama silapha siyabuzana ukuthi kuyini okungabe kudale ukuthi uNdumiso azibulale,” kutsho uMnu Nyoni.

“Sizwe ukuthi ngemva kokuba kwenziwe i-audit, uNdumiso uhle wakhanya ekhathazekile okutsho ukuba kube khona okutshaya amanzi.

“Ngemva kokuba sekwenziwe i-audit wathumezela uyise umbiko kuWhatsApp mhlaka 18 emazisa ukuba uyaxolisa ngalokho asezakwenza njalo ngeke amelana lehlazo aselilethe emulini, inyuvesi lebandla. Besazama ukuzwisisa ukuba kwenzakalani, kusisa kwatholakala uNdumiso esezibophele. Lokhu kuhlukumeze abantu abanengi lapha. Aluba uthole ukwalulekwa kwabanye, mhlawumbe ngabe uyaphila.

“Silapha simadolo nzima ngoba isinqumo esenziwe nguNdumiso silimaze abazali bakhe, labo bonke akade ephila labo enkonzweni lasenyuvesi.”

UMnu Nyoni uthe bacabangela ukuthi labo abenze ucwaningo lwengwalo bangabe bekhiphe umbiko oveze okubi ngesimo sezimali.

“Abenze i-audit kutsho ukuthi bavumbulule imfihlo kodwa asazi ukuthi kungani engalindanga kumbe aluba udinge uncedo kuyise kulalokhu akwenzileyo.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds