KUCHAZEKE abanengi bebona ikhekhe elenziwe ngomfanekiso wesihlabani sikaDJ wakweleSouth Africa, osanda kuthola indondo phetsheya kwezilwandle uBlack Coffee.
Leli khekhe lingumfanekiso kaDJ Coffee, ephethe indondo iGrammy, kanti lenziwe ngungoti kwezokubhaka uKurhula Makhuvele weFine Bakes futhi selisabalele ezinkundleni zokuxhumana.
DJ Coffee
Abantu abawuvali umlomo ngekhono lakhe.
Indlela elenziwe ngayo, ungafunga ukuthi isichuse esibaziwe somuntu ophelele kanti yikhekhe nje.
Lingamamitha amabili ubude bese liba lesisindo sika100 kg lihlanganisa izincezu ezingu-84.
UKurhula waseLimpopo, waqala ukubhaka esakhula enzela imicimbi yomdeni kanti okwamanje usagxile ekubhakeni amakhekhe kuphela.
“Ngibe lesikhathi esimnandi ngibhaka leli khekhe,” kutsho Kurhula.
Ngesikhathi eqala ukubhaka, uKurhula wanameka ezinkundleni zokuxhumana ukuthi kade kwaba yisifiso sakhe ukwenza ikhekhe elikhulu njengaleli.
Waveza lokuthi ukuthola iGrammy, kukaBlack Coffee, kumnikeza ugqozi lokubhaka ikhekhe ngenhloso yokumbungaza.
Inhloso enkulu kaKurhula, uthi ukwenza ikhekhe lifane nse lesithombe sakhe uBlack Coffee, esithathwe esanda kwamukela iGrammy.
Ngenxa yokuthi uyazisebenza ngaphandle koxhaso wabe wacela ukuthi abangakwazi ukumxhasa ukuze athenga izinto zokuxova, ikhekhe belule isandla.
Akagcinanga lapho, uveze ukuthi ikhekhe lizonikelwa ekhaya lezingane, uBuhlebezwe, eTembisa.
“Kumele kunamekwe kuTwitter ukuze alibone uBlack Coffee, muhle kakhulu umsebenzi wakho,” kutsho Vuyolwethu Nontshinga kuFacebook.
“Ngingathanda ukudla ingxenye yekhekhe eyisandla esisekhukhwini engikholwa ukuthi sifumbethe umlingo,” kutsho Alton Yamkela Mzee. Leli yikhono langempela, siyakubongela,” kutsho Dinah Bonny Thukwana.