Uncategorized

Isikhuphukile imfundo yakuleli

04 May, 2023 - 00:05 0 Views
Isikhuphukile imfundo yakuleli I-Innovation Hub yeUniversity of Science and Technology

uMthunywa

Thokozile Mbedzi

UGATSHA lwezeMfundo yaphezulu kuHulumende lubika ukuba imfundo yakuleli isikuzinga eliphezulu, okubonakaliswa yikufinyelela inkundla zokuxhumana ebulenjini lokubunjwa kwama-Innovation Hubs emanyuvesithi.

Ekhuluma lentatheli kaMthunywa kumbukiso weZimbabwe International Trade Fair (ZITF) osanda kwedlula, isisebenzi esibona ngobudlwelwano lomphakathi kulolugatsha, uNkosikazi Mellrose Tangwena uthe lolu uhlelo lwemfundo olubizwa ngokuthi yi-Education 5.0 solutholakala kuApple Store laku Google Playstore, okwenza kubelula ukuba uzulu athole ulwazi.

“I-Education 5.0 isisezingeni eliphezulu njalo sokule Application yebulenjini ephathisa uzulu ukuba enelise ukuthola uncedo lanxa engazange afike ekolitshini lelo ayabe efuna ukuphathiswa kulo.

“Uzulu ulakho ukubhalisa esendaweni ahlala kuyo loba ukwenelisa ukuthola ukuncediswa elapho akhona,” kutsho uNkszn Tangwena.

Uthe lokhu kuzanceda kakhulu abahlali bemaphandleni abahamba imango emide bedinga ulwazi emakolitshini lasezikolo ezikhatshana.

Uqhubeke wathi:  “Kugatsha lolu abamakolitshi  kanye lamanyuvesithi baphatheka kuzigaba ezinengi zemfundo kunye lemisebebenzi yezandla.

“Kulokunengi okwenzakalayo okungabonakala ngeGoogle App okubalisela abalungisa amagasi emihlobo etshiyeneyo abanjengabe Accey Gas, okuyigasi elungele abenza i-welding, i-nitrogen gas yona elungisa ama-fertiliser, abanye baphatheka ekulinyweni kwengqoloyi.”

UNkszn Tangwena uthe sebefinyelele lakumagagasi la abizwa ngokuthi yi-space.

“Siphatheke njalo kuZimbabwe Space Agency lapho omanjinela bethu abaphatheka khona kulokhu esikubiza ngokuthi yi-mapping.

“Sikhuthaza uzulu ukuba kabayithakazelele iGoogle App Store edu 5.0 ngoba bazathola uncedo olukhulu.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds