uMthunywa
Ethel Ncube
ABAHLABELELI bePlumtree abahlabela umculo kamaskandi akade besestudiyo bepheka idlalade lengoma zabo kanye levidiyo sebekhuphe ividiyo yabo ku-YouTube.
Ababili laba, uAphiwe loSobancane baphakulele abalandeli idlalade labo elithi “Ukufa”.
Intatheli ikhulumisane lomunye wabahlabeleli laba uSobancane oveze ukuba umsebenzi wokuphekwa kwevidiyo yabo entsha uhambe kuhle.
“Sesiside isikhathi abalandeli bethu belinde ukuthi sibaphakulele ividiyo. Sekwenzakele isikhona ividiyo yethu entsha ethi ‘Ukufa.’ Iqala lamhla nje ukubonakala, ukutshelwa yikuncitshwa vulani lizibukelele iphekwe ngobungcitshi baphezulu.
“Siyabonga bonke abasincedisileyo ukuba lumsebenzi uphutshe. Sesisebenzile balandeli okwenu kuphela yikuthi likholise ukudla kwamehlo esiliphekele khona,” kubika uSobancane.
Ekhuluma lentatheli umaneja wabo uHandsome Sibanda ucele ukuba uzulu axhase ababili laba.
“Ividiyo kaAphiwe loSobancane isiphelile njalo izatholakala kuYouTube. Sicela liyidinge ngobunengi benu lisisekele.
Sithanda ukubonga i-Embakwe Funeral Services eyasincedisayo kanye labanye ukuze umsebenzi lo uphutshe,” kuphetha uSibanda.
