Siyini isihlanganiso?
Izihlanganiso ngamagama ahlanganisa imitshwana, yenze imitsho. Izihlanganiso azigcini nje ngokuhlanganisa imitshwana, kwesinye isikhathi kuqaliswa ngaso umutsho loba umtshwana.
Ukwakhiwa kwaso: zingehlukaniswa kanje izihlanganiso. Izihlanganiso zemvelo: kanti, uma, ngakho-ke, khepha, pho, lokho.
Izihlanganiso ezisuselwa kwezinye ingcezu zenkulumo|: kodwa, ukuze, ukuthi, ukuba. Siyakwazi futhi ukuthi izihlanganiso sizehlukanisa ngale indlela.
Ezingasiguquli isimo sesilandiso esilandelayo futhi esingelandaba lokuthi isenzo esilandelayo sikuyiphi indlela.
Eziguqula isimo sesilandiso esilandelayo siba: endleleni eqondisayo, lakundlela eqondisayo yesimo lasendleleni eyamile/encikile.
Ukusetshenziswa kwezihlanganiso zemvelo
Izibonelo: Isihlanganiso sihlanganisa imitsho. Uziphethe kubi. Uyakholwa. Uziphethe kubi kodwa uyakholwa.
Isihlanganiso singaqalisa emutshweni: Uma engalibonanga iphutha lamuhla, ngeke aphinde alibone. Ubethukuthele kakhulu kodwa akamtshayanga.
Izihlanganiso ezisuselwe kwezinye incezu zenkulumo. Ezisuselwe esiqwini sesabizwana senani; kodwa (-dwa). Singahlanganisa imitsho.
Izibonelo: Ukwenzile. Uyaphika. Ukwenzile kodwa uyaphika. Singaqalisa ngaso emtshweni: Isibonelo: Kodwa uzenziselani? Kodwa lenzelani into embi kangaka?
Singaba ngesinye sezihlanganiso ezihlanganisa imitsho engaphezulu kwemibili. Izibonelo: Amantombazana adlala ibhola. Uyakhwehlela kakhulu ebusuku. Udokotela uthe bengadlali.
Uma siyihlanganisa ifuneka kanje: Amantombazana adlala ibhola kodwa bayakhwehlela kakhulu ebusuku futhi udokotela uthe bengadlali.
