uMthunywa
Isichasiso siyaqhutshwa Ubumnini
Izivumelwano zobumnini
Izivumelwano zobumnini sizakhela kuzivumelwano zenhloko. Kuzivumelwano zenhloko silandela ngesakhi sesichasiso u – a sithole isivumelwano sobumnini kanje:
Kusigaba 1 isivumelwano senhloko ngu u-. U u- uhlangana lesakhi sesichasiso u-a (u +a >wa) sithole isivumelwano sobumnini u (wa-). Kusigaba 1a kuyafana xathu lalokhu okwenzakala kusigaba 1.
Kusigaba 2 isivumelwano senhloko /ba-/ sihlangana lesakhi sesichasiso /a-/ sithole isivumelwano sobumnini /ba-/ (ba +a > ba. Lokhu kufana xathu lokwenzakala kusigaba 2a.
Kusigaba 3 isivumelwano senhloko /u-/ sihlangana lesakhi sesichasiso /a-/ sithole isivumelwano sobumnini /wa-/. Kusigaba 4 isivumelwano senhloko /i-/ sihlangana lesakhi sesichasiso /a-/ sithole isivumelwano sobumnini /ya-/.
Kusigaba 5 isivumelwano senhloko /li-/ sihlangana lesakhi sesichasiso /a/ sithole isivumelwano sobumnini /la-/. Qedela loluhlelo ngokugcwalisa izigaba eziseleyo lawe mfundi ngokulandela izibonelo lezi.
Nxa sikhangela izibonelo lezi ezingaphezulu sibona sithola ukuthi kuba lenguquko kunkamisa osekuqaleni wezivumelwano. Zonke izivumelwano zenhloko eziqalisa ngonkamisa /u-/ ziguquka zibengusingankamisa /w-/. Izivumelwano zenhloko eziqalisa ngonkamisa /i-/ ziguquka zibe ngu /y-/.
Sizaqala lapha kuviki ezayo besesingena kuziqu zobumnini.
