uMthunywa
LAMHLANJE siphetha ukuhlela iziqu zesibaluli.
2. Ezivela ezenzweni: (a) sebenza –
Umama osebenzayo utshayisile lamuhla. (b) dlala – Umfana odlala ibhola lenyawo ulimele. (a) Ubaba ogela lapha uyawazi umsebenzi wakhe.
3. Ezivela eziqwini zamabizo –manzi – Amazambane amanzi amnandi. Le ebuthundu ayisiki.
Ezivela ezandisweni –phansi – Udobhe iphepha eliphansi. Kude – Ngizwe bethi intaba ezikude ngumasithela.
4. Ezivela kuzabizwana zenani – ezilesiqu u-dwa ezikhomba ubunye: yodwa – Ulenkomo eyodwa. Bodwa – Ubhlalu obubodwa abubonakali kuhle.
Ubumnini
Ubumnini ligama eliyisichasiso. Njengezinye izichasiso, igama eliyibumnini lichaza usobizo (ibizo kumbe lesabizwana).
Njengeminye imihlobo yezichasiso ubumnini kumele busetshenziswe losobizo ochazwayo futhi bamlandele kanje:
1.Umuzi kagogo mkhulu. 2. Abantwana bakhe balembeko. 3. Wona owakhe omkhulu useNkayi. 4. Zona ezamakhosi zifikile.
Kagogo yibumnini. Bakho yibumnini. Owakhe yibumnini. Ezamakhosi yibumnini.
Isichasiso sobumnini njengazo zonke izichasiso silezakhi ezimbili. Izakhi lezo yisivumelwano lesiqu.
Izivumelwano zobumnini sizakha ngokujobelela isakhi sobumnini u-a esivumelwaneni senhloko kanje:
Ukwakhiwa kwezivumelwano sobumnini
Kusigaba 1 (1a) isivumelwano senhloko u silumbana lesakhi sobumnini u –a sithole isivumelwano sobumnini u-wa.
Okwenzakalayo yilokhu: (a) Nxa isivumelwano senhloko singu –u- siguquka sibe ngu- w-. (b) U – i- uguquka abengu-y-.
(c) U –a akaguquki.
