Isibanjalo siyaqhutshwa

27 Apr, 2023 - 00:04 0 Views
Isibanjalo siyaqhutshwa

uMthunywa

Ukwakhiwa kwezibanjalo ezibalulini

Laso isibaluli singaguqulwa sibe yisibanjalo sibe sesisenza umsebenzi wokulandisa emtshweni. Funda izibonelo ezilandelayo ngaphansi kwezihloko isibaluli kunye lesibanjalo:

Kusigaba 1 isibaluli ngu/omhlophe/, isibanjalo ngu/umhlophe/. Kusigaba 2 isibaluli ngu/abamhlophe/ isibanjalo ngu/bamhlophe/. Kusigaba 3 isibaluli ngu/omhlophe/ isibanjalo ngu/umhlophe/. Kusigaba 4 isibaluli ngu/emhlophe/ isibanjalo ngu/imhlophe/. Kusigaba 5 isibaluli ngu/elimhlophe/ isibanjalo ngu/limhlophe/. Kusigaba 6 isibaluli ngu/amhlophe/ isibanjalo ngu/amhlophe/.

Ungaqhubeka ulandela izibonelo lezi ezingaphezulu uze uyefika emaphethelweni ezigaba zonke.

Okwenzakale lapha sisakha izibanjalo yikuthi izivumelwano zesibaluli zisusiwe kwaqalwa ngezivumelwano zenhloko.

Ukulandula khona kumi kanje: Ngaphansi kokuvuma lokulandula: Kusigaba 1 isibanjalo esivumayo ngu/umhlophe/ esilandulayo ngu/akumhlophe/. Kusigaba 2 isibanjalo esivumayo ngu/bamhlophe/ esilandulayo ngu/abamhlophe/. Kusigaba 3 isibanjalo esivumayo ngu/umhlophe/ esilandulayo ngu/awumhlophe/. Kusigaba 4 isibanjalo esivumayo ngu/imhlophe/ esilandulayo ngu/ayimhlophe/.

Kusigaba 6 isibanjalo esivumayo ngu/amhlophe/ esilandulayo ngu/awamhlophe/. Lapha lakho ungaqedisa izigaba eziseleyo ukuze utshengise ukuthi usizwisisile na isifundo lesi salamuhla. Sehla laso isifundo sesibanjalo. Khathesi sizaqala ukuhlolisisa ukwakhiwa kwezibanjalo ezandisweni.

Uyakhumbula na ukuthi siyini isandiso ngohlelo lwesiNdebele? Isandiso ngolunye ucezu lwenkulumo olungena ngaphansi kwesikhanyiso njengesenzukuthi. Sizaqala lapha kuviki ezayo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds