Uncategorized

Isangoma sodumo sixwayisa abantu

01 Apr, 2021 - 00:04 0 Views
Isangoma sodumo sixwayisa abantu

uMthunywa

SILOKHU sizakhele udumo isangoma esithandwa ngabanengi ezinkundleni zokuxhumana ngokukhuluma amaqiniso aphathelene lobungoma. UTumi Gogo Skhotheni Dlamini Shange muva nje udalule imfihlo ephathelane lokubethela okwenziwa izangoma emzini yabantu.

Ugogo Skhotheni uqophe ividiyo ezinsukwini ezedlule wayifaka ekhasini lakhe lakuFacebook elilabalandeli abangu-196, 171, lapho edalula ukuthi ukubethela kuyinto ejwayelekile futhi efanelwe ukwenziwa emzini yabantu kodwa imithi embiwa izangoma emagcekeni yabantu akulona iqiniso.

Udalule ukuthi lokhu kuwumkhuba owenziwa ezinye zezangoma ezifika layo limithi bese ziyimbela ngandlela thile abantu bakulowo mdeni bengaboni. Laye uqobo uthe uyazi kwenziwa njani lokhu futhi akakhathalele kuthenjwa ngalokhu akudalulayo.

“Umuntu uma ezophuma lomuthi esitsheni ethi uwugubhe phansi kini nimubuka, uyazi bawufaka kanjani, ngiyazi lami ngike ngakhona kwenziwa futhi ngiyazisola. Kodwa manje angisazisoli ngoba ngathola isifundo sokuthi amanga. Ngibulalani uma lithanda angilandaba,” kutsho uGogo Skhotheni kule vidiyoeo.

“Lalelani umuntu uyafakwa egcekeni kodwa njengesichelo, isangoma sizofika sichele umuzi ngoba uyaqiniswa.

Kodwa le yokuthi uzokhipha umuthi egcekeni amanga,” kutsho ugogo Skhotheni. Eqhuba uthe abantu abake bacabangisise ukuthi ngabe umuthi obufakwe nini ngoba basuke bekhona. Yize abantu beludinga usizo kubalaphi bendabuko kodwa uthe abavule amehlo bangabi izisulu zezangoma.

Akakhohlwanga ukukhuluma langezilwane abantu abahlala besatshiswa ngazo kuthiwa kumele zilatshwe noma zisuswe kubantu. Konke lokhu uthe kulezindlela ezahlukeneyo zokuphambanisela abantu iqiniso ngoba izangoma zifuna ukwenza imali. Abantu bamtshayele ihlombe ngokuqunga isibindi abavule amehlo. Le vidiyo seyibukwe abantu abangaphezulu kuka-19 000, kwaphawula abangaphezulu kuka-6 100. Banengi abafisa abelohlelo lwakhe kuthelevishini lamathwasa akhe.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds