Thokozile Mbedzi
KULESALUKAZI seMasukume eSilobela okubikwa siwele phakathi komgodi wamanzi safa ngesikhathi sithanyela duzane lomgodi lo.
Kubikwa uLaiza Mdawini oleminyaka engu-74 yokuzalwa uwele emgodini wamanzi kuviki ephelileyo ngesikhathi ehlanza isitubhu esakhelwa emgodini wamanzi.
Isikhulumi samapholisa eNkabazwe, uInspector Emmanuel Mahoko uthe kulowesifazana owele emgodini ethanyela.
“Samukele umbiko wesalukazi esileminyaka engu-74 esithe sithanyela esitubhini esakhiwa sigombolozela umgodini wamanzi ngokusweleka kwenhlanhla utshelele wawela phakathi.
“Umgodi lo utshona okungaba yi-10 metres. Abantu baphangise bambona baphuthuma bamkhipa engakafi kodwa ubesesimeni esibi.
Ulnspector Emmanuel Mahoko
“Ngakho ngesikhathi bezama imizamo yokuba bamgijimisele esibhedlela uhle wafa,” kuchaza uInsp Mahoko.
Indaba le ihle yabikelwa emapholisa isidumbu sathwalelwa emotsha yeKwekwe District Hospital Mortuary.
“Njengamapholisa sixwayise uzulu ukuthi kananzelele ikakhulu nxa esebenzela endaweni eziyingozi ukuthi uphephile,” kuphetha uInsp Mahoko
