uMthunywa
Kuviki ephelileyo siphethe isifundo sethu sitshengisa ukwakhiwa kwesabizwana sokukhomba eduze. Sitshengise indlela eyodwa le eyokuhlanganisa isakhi sokukhomba u “la” lesiqalo sebizo, bese kulumbana onkamisa.
Sithe kulezo zigaba zamabizo ezilomankankane siyabasusa labo mankankane lonkamisa ababalandelayo kanje: la + um (u)- > lo(mu) > lo.
Ukuhlanganisa isakhi sokukhomba u “la” kanye lesivumelwano sikamenzi/senhloko. Kuye kulumbane onkamisa kanje: Izibonelo: la + u- = lo; la + (i) = le; la + a- = la.
Nxa isivumelwano senhloko singungwaqa lonkamisa kwenzeka ukufanisa (analogy) kokuthekelelana, lapho ingxenye kankamisa wesivumelwano ihlehla bese ilumbana lonkamisa wesakhi sokukhomba enye ingxenye isale:
Izibonelo: la + li-> leli, la + zi > lezi, la + lu- > lolu.
Kungahlanganiswa isakhi sokukhomba u “l” lesivumelwano sesibaluli kanje: l+ e > le; l + o- > lo; l + ezi- >lezi l+ obu- > lobu.
Ukwakhiwa kwesabizwana sokukhomba buqamama: Sakhiwa sisuselwa esabizwaneni sokukhomba eduze ngezindlela ezilandelayo:
Kulezo zabizwana zokukhomba eduze ezilungalinye, sijobelela isakhi sesabizwana u “o” bese sifaka osingankamisa ngokufaneleyo phakathi kwesabizwana wesakhi. Isibonelo: lo + o >lowo, le + o > leyo; la + o > lawo.
Sizakuma lapha lamuhla siqale lapho kusifundo esilandelayo.
