Isabizwana siyaqhutshwa

03 Nov, 2022 - 00:11 0 Views
Isabizwana siyaqhutshwa

uMthunywa

Isabizwana sokukhomba ungasihlela ngendlela elandelayo: Kusigaba 1 isabizwana sokukhomba eduze ngulo, esikhomba buqamama ngulowo kuthi esikhomba kude ngulowaya.

Kusigaba 2 isabizwana sokukhomba eduze ngulaba, esikhomba buqamama ngulabo, esikhomba kude ngulabaya. Kusigaba 3 isabizwana sokukhomba eduze ngulo, esikhomba buqamama ngulowo, esikhomba kude ngulowaya.

Kusigaba 4 isabizwana sokukhomba eduze nguleli, esikhomba buqamama ngulelo kuthi esikhomba  kude nguleliya. Kusigaba 5 isabizwana sokukhomba eduze ngulesi, esikhomba buqamama nguleso kuthi esikhomba kude ngu lesiya. Kusigaba 6 isabizwana sokukhomba eduze ngu la, esikhomba buqamama ngulawo, esikhomba kude ngulawaya. Kusigaba 7 isabizwana sokukhomba eduze ngulesi, esikhomba buqamama nguleso, esikhomba kude ngulesiya.

Lawe mfundi usungenza okufananayo utshengise izabizwana zokukhomba  uze ufike kusigaba 15.

Ukwakhiwa kwesabizwana sokukhomba: Izabizwana zokukhomba buqamama lakude zisuselwe esabizwaneni sokukhomba eduze. Kudingeka sazi ukwakhiwa kwesabizwana sokukhomba eduze kuqala.

Ukwakhiwa kwesabizwana sokukhomba eduze: Singasebenzisa indlela eyodwa kulezi ezilandelayo:

Ukuhlanganisa isakhi sokukhomba u “la-“ lesiqalo sebizo, bese kulumbana onkamisa. Kulezo zigaba zamabizo ezilomankankane siyabasusa kanye lonkamisa ababalandelayo.

Izibonelo: la + um(u) – > lo(mu) > lo, la +  iN- > le(N) .> le, la + iziN- >lezi(N) > lezi, la + ili- > leli > leli.

Sizaqala lapha kuviki ezayo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds