IPrivate Boys izakhupha idlalade elitsha

25 Aug, 2022 - 00:08 0 Views
IPrivate Boys izakhupha idlalade elitsha

uMthunywa

Ethel Ncube
IQEMBU elizibiza ngokuthi yiPrivate Boys elihlabela liseSouth Africa lona lidabuka ePlumtree selithembise abalandeli balo ukuba liledlalade elitsha elitshisa bhe elikhangelele ukulikhipha maduzane nje.

UMthunywa uxoxe lomunye weqembu leli uCephas Ncube oveze ukuba iqembu lakhe lipheka umculo omnandi estudiyo.

UNcube uthe abalandeli kumele balinde belethemba lokuba idlalade elizayo lizakuba ngelihlaba umxhwele.

“Umculo ngenye yezindlela zokukhuza kumbe ukulaya kunjalo-ke ingoma zethu esizazikhupha zizabe zilaya njalo zikhuza. Asihlabeleli kukholisa kuphela kodwa ukulaya lokukhuza kanye lokuqondisa. Idlalade lethu leli lizabe seliphekeke kuhle ngenyanga kaMfumfu, siyabe sesilolonge sacolisisa konke,” kubika uCephas

Uqhubekele phambili echaza ukuba abantu besalinde idlalade elitsha bazabe beswenka ngezikipa asebezikhiphile.

“Lisalinde idlalade lethu elitsha silezikipa lamajakhethi abhalwe Private Boys, impahla lezi ezibhalwe ibizo leqembu lethu ziyafika indawo zonke zeAfrika. Uyasithumela umlayezo kuphela utsho ukuthi ungaphi sikuthumele. Okwedlalade lethu hlalelani eduze lizakholisa, singeke sililahlise,” kuphetha uCephas.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds