uMthunywa
YiNtatheli kaMthunywa
UBENJANI Mwaruwari Jnr usedinga elinye iqembu lokudlalela nanko phela abaqeqetshi bePortsmouth abasuthiseki ngomdlalo wakhe.
UMwaruwari ubekhangelele ukuthi abeyingxenye yaleliqembu abekade elolonga kulo aphinda walidlalela kuqula lama-Under 16.
Iqembu lePortsmounth liku English League One njalo yikho lapho uyise kaBenjani Mwaruwari Jnr uBenjani Mwaruwari akha udumo engumdlali.
IPortsmouth ithe ngemva kokuhlolisisa uBenjani Jnr, ayizange isuthiseke ngakho angeke imgcine.
Kodwa, ithalenta lomfana lo selibonwe nguBruce Grobbelaar obike ukuthi ufisa ayedlala kuqembu leLiverpool.
Imbiko ephuma eNgilandi iveza ukuba uyise walumdlali kakhathazekanga ngokusulwa komdlali.
“UBenjani Jr ulalo elinye ithuba lokuthi aqhubeke ngomdlalo ngoba uselolonga leqembu leYeovil Town,” kutsho uBenjani omdala.
Iqembu leYeovil Town lidlala kuligi yesihlanu eNgilandi.
Kubikwa ukwesulwa kukaBenjani Jnr kudanise abalandeli bePortsmouth abakade belinde ukumbona edlala.
Abalandeli laba bakhumbule insuku zikayise womdlali owafika kuPortsmouth ngesizini ka2006, ethengwe nge-£41 million. Wasuka lapho wayadlalela iManchester City ngo2008.
Ebuzwa ngomfana wakhe, uBenjani uthe ufuna akholise ukudlala inguqu.
