uMthunywa
IQEMBU lika-Knox Mutizwa iGolden Arrows linqobe ezinkulu iOrlando Pirates kumdlalo ochazwe ngumdlali lo ngokuthi yiwo oqede indlala yokungahlohli ebisibhekane laleliqembu.
Abafana be’Sthende baqhubeke ngokungawahloniphi amaqembu athathwa “njengamakhulu” kuligi yeDStv Premiership ngokwehlula iPirates nge 2-0 ngoLwesibili ntambama kuliviki.
UKnox Mutizwa utshaye umvema webhola ngomzuzu wesitshiya galolunye kuqale umdlalo. Kuncede unozinti ophange walikhiphela phandle.
Kucace zibekwa kulumdlalo ukuthi uzoba lebhola elihle, nanko amaqembu omabili alabadlali abalaziyo ibhola, abadle ngomjiko oya phambili.
EZimnyama zacina ukutshaya Abafana Bes’thende emlenzeni wesibili wesizini ka-2018/19, zinqoba ngebhola elilodwa.
Kanti ngakolunye uhlangothi, ezikaMandla Ncikazi zacina ukuhlula ezikaMagebhula ngoNkwenkwezi ka-2017, zinqoba nge-2-1.
Kusukela ngesizini ka-2006/07 amaqembu asehlangane emidlalweni engu-33 kuhlanganisa eyeligi leyomkhumulajezi eyisithupha.
UMutizwa osetshayele i-Arrows amabhola amabili emidlalweni engu-13, uthe indlala yokungahlohli yiyo efuqe ukuthi bayiqethule iPirates.
Uthe iPirates kumele izisole yona ngokubadedela emlenzeni wokuqala idlalela ekhaya ngoba bebengeke babe lozwelo.
“I-Arrows yesizini ka-2020/21 ifana lezelwe kabutsha. Kusukela ejimini kuya emidlalweni sibambene ngendlela eyisimanga. Imiqondo yethu icabanga ngendlela efanayo. Ekhempini kuduma umoya wokunqoba. Ifike ekugcineni iPirates,” kutsho lumdlali.
I-Arrows isilingane leBucs ngemklomelo.
UMutizwa uncome abaqeqetshi bakhe, uNcikazi lomsekeli wakhe uMabhuti Khanyeza.
“Singabadlali basisekela ngakho konke. Emuva kokuhlulwa okokuqala kumaviki adluleyo, bahlale lathi basiqinisa ngokomqondo. Ukwehlulwa kwethu sakuthatha ngokuthi kumele sifunde emaphutheni ethu. Yikho sivuke sazithatha emdlalweni wePirates sithembisa ukuqhubeka ngokufanayo,” kuphetha uMutizwa.
