Ethel Ncube
LITHABE limanzi te ipholisa leGwelutshena eNkayi kulandela ukwamukela isicoco sokubhala inkondlo eziveza impilo yabantu kumaBulawayo Arts Awards ngempelaviki.
UMthokozisi Ncube odabuka ePlumtree odume ngokuloba inkondlo zesiNdebele uhlonitshwe ngesicoco kumkhosi lo owenzelwe eBulawayo City Hall.
Bulawayo City Council.
Kubikwa inkondlo ezenze uNcube wamukela isicoco kumkhosi lo ngezilesihloko esithi, ‘Izicucu zodengezi’.
UMthunywa uxhumane loNcube oveze ukujabula ngokuhlonitshwa komsebenzi wakhe.
“Ngijabule kakhulu ngokuhlonitshwa komsebenzi wami ngaze ngathola isicoco kumaBulawayo Arts Awards. Lokhu kwenza lami ngiqhubekele phambili ngomsebenzi wami njalo kungipha idlabuzane lokuthi ngiqhubeke ngikhulisa ulimi lwethu ngoba ulimi lugcineka ngcono ngokuloba phansi,” kubika uNcube.
LITHABE limanzi te ipholisa leGwelutshena eNkayi kulandela ukwamukela isicoco sokubhala inkondlo eziveza impilo yabantu kumaBulawayo Arts Awards ngempelaviki.
Uqhubekele phambili eveza ukuba kulabo abangenelisanga ukuthola izicoco akumelanga balahle imbeleko ngokufelwa.
“Kubalobi abangenelisanga ukuthola izicoco kumaBAA akumelanga balahle ithemba kumele baqhubekele phambili besebenza nzima ngoba liyeza elabo ithuba.
“Phezu kwakho konke mina ngibonga usekelo engiluthole kubalandeli bami ngokuba yibo abangivoteleyo bangiphakamisa lamuhla nje ngithwele isicoco ngenxa yabantu abakholelwa kunkondlo zami,” kuphetha uNcube.