uMthunywa
YiNtatheli kaMthunywa
IQEMBU leBulawayo Chiefs selibike ukuthi selipheke inamundede lalo, elibizwa ngokuthi yi-eNinja Energy Drink, ezathengiswa kumaviki azayo ezitolo zakoBulawayo.
Isikhulumi seBulawayo Chiefs uThulani Javas Sibanda uthe inamunede labo liphekwe ngendlela yokuthi lihlasimulise umzimba ngokwengenza amandla.
“Inamunede lethu silibiza ngokuthi yi-eNinja Energy Drink. Liphekwe ngendlela yohlonzi okokuthi linikeza amandla lomdladla njalo liqeda ukudingwa. Linamunede elenzelwe ukuthi abantu besebenze ngcono,” nguSibanda lo.
Iqembu leBulawayo Chiefs lithembise abalandeli balo ukuthi isitolo salo sempahla uTotal Chiefs siqhuba kakuhle.
Isitolo lesi silezikipa zebhola, izikipa zokuzigqokela nje kuzokuthi impahla yonke ehlangane lezemidlalo izatholakala esitolo lesi.
