Uncategorized

Inyanga ithumba indoda (21) iyibhinye ka-11

08 Dec, 2022 - 00:12 0 Views
Inyanga ithumba indoda (21) iyibhinye ka-11

uMthunywa

Ethel Ncube

IZONDE iganu inwabu enye imuli yeDekezi, eFilabusi ngesenzo senye inyanga yakule indawo okubikwa ibibhinya indodana yayo eleminyaka engu-21 kusukela ekuqaleni kwalo umnyaka kuze kufike inyanga kaLwezi.

Indaba le ivele kumaviki amabili edluleyo lapho umetheswacala, uFreddy Ndlovu okucatshangelwa ukuba wathumba wabuya wahlukuluza umamangala okwamahlandla angu-11.

Elinye ilunga lemuli elikhulume loMthunywa liveze ukuthi inyanga le iyesatshwa esigabeni.
“Inyanga le nginje lami bengiyesaba kodwa lokho akutsho ukuba bengikwazi ukuthi ibihlukuluza umntanami. Kodwa indaba le ithe iphuma egcekeni ngahle ngabikela amapholisa.

“Umntanami lo ubeke anyamalale esuke ngekhaya esiya enkomeni. Kukhanya inyanga le ibithi ingahlangana laye egangeni imthumbe iye laye emzini wayo kodwa ilalele okukhulunywa ngabantu. Ngoba ubethi engabona ukuthi sesibikele amapholisa ubemkhulula kodwa imethusele ngokumbulala ngoba ubengachazi ukuthi uyabe engaphi.

“Simbuza uthe wahlukuluzwa kanengi njalo kwezinye izikhathi inyanga le yayimlaya ukuthi athi ufuna ukulala phandle ngoba kuyatshisa yona ibe isifika ebusuku imhlukuluze inyamalale,” kutsho ilunga leli lemuli.

Umetheswacala usezandleni zamapholisa khathesi.

“Ngibuhlungu ngalokhu obekusenziwa kumntanami.

UMthunywa uxhumane lobambele isikhulumi samapholisa eMatabeleland South uAssistant Inspector Thandolwenkosi Moyo oveze ukuba udaba olunjalo lwenzakala.

“Udaba lolu solusemthethwandaba weFilabusi, kodwa salwamukela. Ngeke ngibe ngisatsho okunengi ngalo nxa solusemthethwandaba,” kuphetha uAsst Insp Moyo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds