‘Intshantshu yintshantshu ngenkomo zayo’

09 Mar, 2023 - 00:03 0 Views
‘Intshantshu yintshantshu ngenkomo zayo’ Abadlali bepool

uMthunywa

Nkosilathi Sibanda

UKWANDA kwemincintiswano yomdlalo we-pool koBulawayo kubikwa sekuhuga inengi labadlali asebevulele amehlo imvuzo yenkomo esiphiwa kumidlalo le.

Lokhu kuvele ngesikhathi inhlanganiso yeBulawayo Province Pool Association iphezulu kokuqhuba imidlalo yayo ebizwa ngokithi “Inkomo 16” edlalwe kunkundla ezitshiyeneyo kulelidolobho ngempelaviki edluleyo.

Kubikwa abadlali besilisa sebefuna ukuba ngamalunga amaqembu adlala iPool, kulokhu okucatshangelwa ukuthi babizwa yinhlalakahle esidalwe yimncintiswano eqoqwa yiBPPA.

Umdlalo wePool koBulawayo usukhule wasabalala okokuthi bakhona abadlali asephendule umdlalo lo bawenza umsebenzi ngoba uyabaphilisa.
Ukwanda kwalabo abakhwabitha umdlalo kujabulisa inkokheli zomdlalo esabelweni.

“Kuba kuhle nxa sibona abantu bekhwabitha ukudlala i-pool. Kutshengisa ukuthi umdlalo uyakhula koBulawayo. Siyakubongela kuzulu ngoba kukhulisa ledolobho,” kutsho u-Osbornewells Dziko, isikhulumi seBPPA.

UDziko, ongusomabhizimusi olodumo lokusekela umdlalo we-pool kuleli, utshele uMthunywa ukuthi okwenza umdlalo we-pool ulandelwe koBulawayo yikuzimisela kweBPPA ukuthi yenze imincintiswano eguqula impilo zabadlali efana laleyo elemvuzo yenkomo.

“Inhlanganiso yeBPPA ihlose ukuthi iphakamise umdlalo we-pool ukuze labadlali benelise ukuphila kulumdlalo.”
Ngempelaviki edluleyo iqembu leNkulumane Pool Club linqobe iNtumbane nge 8-6.

Ukugcwala kwenkundla yeGolden Pillars kuqinisekise ukuba umdlalo usulodumo. Bayithethe inkomo abeNkulumane Pool Club, kwasala kugxoza amaqembu ayehlulekileyo kulumncintiswano.

Iqembu leNtumbane lithole imbuzi ezintathu.
“I-Exchange Pool Club iqede ikunombolo yesibili, yathola umvuzo wembuzi ezimbili ngemva kokubamba i-Queens Academy 8-7,” kuchaza uDziko.
Uthe iQueens Academy iphenduke ekhaya iphiwe inkukhu ezintathu.

Isikhulumi seBPPA lesi sibonge usekelo oluvela kubadlali, amaqembu labalandeli ngokukhulisa umdlalo we-pool koBulawayo.
“Isibongo sethu sikhulu njalo asiphelelanga nxa singazange sibonge lamalunga BPPA, wona azimisele ukuthi asebenzele umdlalo wethu.

“Okwakhathesi siphakathi kokulungisela umncintiswano omkhulu oweNational Champions League ozaqhutshelwa eMutare ngoMgqibelo langeSonto ezayo,” kutsho uDziko.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds