Uncategorized

Intombazane (14) ‘yesabe ukuphoxa uyise’ yazibulala

22 Jul, 2021 - 00:07 0 Views
Intombazane (14) ‘yesabe  ukuphoxa uyise’ yazibulala Nolwazi Mkhize

uMthunywa

BASALE betshaqekile abomdeni wentombazane eleminyaka engu-14 yeMsilili, KwaSwayimane, etholwe izilengisile ngentambo endlini ngemva kokuba itshayelwe ukubuya phakathi kwamabili ekhaya.

UNolwazi Mkhize (14), utholwe yingane yakubo efunda uGrade R, ezilengisile ngeSonto ngo-3 ntambama.

Umufi ubefunda uGrade 9 KwaSwayimane High. Ngokuthola kweSolezwe, lintombazane yahamba ngoMgqibelo kubo kanti kusolwa ukuthi yayiye komunye umfana, yabe isibuya phakathi kwamabili.

NgeSonto, yatshaywa ngubabekazi wayo. Ntambama yatholakala izihilele, ithi isisesaba ukuthi uyise ngeke ayixolele ngokona kwayo.

Izolo, Isolezwe lithinte umamncane walintombazane, uNkosazana Ntokozo Goqo, othe batshaqekile ngokwenzakeleyo.

“Ngikhuluma lawe nje isisu sami sigcwele amanzi. Ngethukile, uma ngibona isithombe sakhe kungathi ngisazombona. Kusitshaqe kakhulu ukuthi ingane encane kangaka ingenza into efana lale. Incwadi kuthiwa uyibhalile, uthe sekukunengi kakhulu okubi akwenzileyo kuyise. Uyesaba ukuthi ngeke uyise amxolele. Incwadi ithethwe ngamapholisa, asizange siyifice,” kutsho uNkszn Goqo.

Elandisela intatheli uthe: “Bengingekho kusenzakala, njengoba sikubo manje, basitshele ukuthi ukuzibulala ukwenze izolo (NgeSonto) ngabo-3 ntambama. Uzibulalele ngakibo, endlini. Usebenzise intambo. Uma bechaza, bathe uke wanyamalala ebusuku basola ukuthi uye emfaneni. Ugogo wangavuma ukumvulela esebuya. Ekuseni uye kotheza ehamba lobabakazi wakhe. Esebuya, ugogo umbuzile ukuthi ubeyephi, njengoba ebuye phakathi kwamabili?

“Incazelo ayizange iphume ukuthi ubeyephi, ngaphandle kokuthi utshaywe ngubabakazi (udadewabo kababa wakhe). Kuthiwa akazange akhombise ukuthi udiniwe yilokho, ngoba ugezile watshintsha. Utholwe yingane encane efunda uGrade R, endlini engahlali muntu. Esezihilele kuyo.

“Ubekujwayele ukutshaywa lokuthethiswa. Ilokhu okusithusayo ukuthi angaze athathe lesi sinqumo. Unina ubemtshaya nje amthethise, ukuthi kwenzakaleni, asazi. Sididekile impela,” kutsho uNkszn Goqo.

Okhulumela amapholisa eKwaZulu-Natal, uColonel Thembeka Mbele, usiqinisekisile lesi sehlakalo.

“Amapholisa eWartburg, avule idokethi ngokutshona komuntu. Ngokobufakazi obusaqoqiwe, ngo-3 ntambama izolo (ngeSonto), intombazane eleminyaka engu-14 itholwe izilengisile eMsilili, KwaSwayimane,” kutsho uColonel Mbele.-

Isolezwe

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds