Uncategorized

Insimbi zeZhwane zizaqhunsa esiJahundeni

20 Jun, 2024 - 00:06 0 Views
Insimbi zeZhwane  zizaqhunsa esiJahundeni Insimbi zeZhwane

uMthunywa

Ethel Ncube

KUYABE kukhala indazi ngoMgqibelo ePhakama, eGwanda lapho iqembu leNsimbi zeZhwane elizabe likhona lijabulisa  emcimbini weZiyawa kuEcocash.

Iqembu leNsimbi zeZhwane lizabe lisesitikini loZhezhington emcimbini lo.

Iphephandaba likazulu lixoxisane lomaneja weNsimbi zeZhwane uBahlanu Sibanda oveze ukuba amalungiselelo asezingeni eliphezulu.

“Amalungiselelo omcimbi weZiyawa kuEcocash ozakwenzelwa eGwanda ahamba kahle. Iqembu lethu lalo lihlala linxuswa endaweni ezitshiyeneyo okukhombisa ukuthi umdlalo silokhu silawo njalo silokhu sitshaya ngesitayila esimnandi sijabulisa  uzulu.

“Siyakuthakazelela ukuba sizabe siloZhezhington lokhu kuyasijabulisa ukuba sidlale lezinkulu kutshengisa ukuthi lathi sisekukhanyeni siyakubongela lokho,” kubika uBahlanu.

Ubuye waveza ukuba bathembisa umlilo ebantwini beGwanda.

“Uzulu weGwanda kasondele ezitolo zePhakama ezokuzwa ubunandi esimphathele bona. Abantu kababuye ngobunengi babo kulumcimbi weEcocash siyabe siqhunsa ngapha lina liwina okuwinwayo kuEcocash Promotion draw,” kuphetha uBahlanu.

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds