INKULUMO YOMUMO — Inkulumo lezenzo elilenhlonipho empilweni jikelele

13 Aug, 2020 - 00:08 0 Views
INKULUMO YOMUMO  — Inkulumo lezenzo elilenhlonipho empilweni jikelele

uMthunywa

Sikhumbuzo Dabengwa
SIYAQHUBEKA bafundi ngenkulumo yomumo. Kule iviki sikhangela inkulumo elenhlonipho kanye lezenzo ezikhomba inhlonipho ebantwini jikelele. Kuhle ukukhuluma ngendlela eqondileyo eletha inhlonipho hatshi ukuphahluka siletha izinkulumo, izimo ezikhomba ukungahlolisisi ngemizwa yalabo esikhuluma labo kanye lalabo abalaleleyo kumbe abezwa lezo zinkulumo.

Asihlolisiseni izehlakalo ezilandelayo besesisitsho izindlela ezingcono obekumele nga yizo ezilandelwa yilababantu abalandelayo.

1. Usungene ebhasini eya ekhaya. Kufika ugogo ethwele esisitheka edinga indawo yokuhlala. Ngenxa yokungahlanzeki kukasalukazi, ubusuletha impendulo yokuba uhlezi lomunye umuntu osayethenga izimpahla ezitolo. Ngenkani langokucunuka ugogo ahlale esihlalweni atsho lokuba uzasuka lowomuntu esethe wafika, kwazise izihlalo azigcinelwana lapha.

IMIBUZO LOKUHLOLISISA
a. Kulaba ababili ukhona yini olenhlonipho edingakala ezindaweni lapho okusetshenziswa izimpahla zomphakathi?

b. Usalukazi wayezaletha nkulumo mhlobo bani ukuze bezwane lalo oqale ukufika ebhasini?

c. Yiliphi iphutha wena olenzileyo njalo ukukhombisa ubuntu bekufanele ulethe inkulumo enjani kusalukazi senkosi?

d. Ungumakhelwane walaba bobabili ebhasini, ungababonisa njani ukuba bonke badinga ukuba bazwanane ngoba bonke belamalungelo okusebenzisa ibhasi njengendlela yokuhambisa.

2. Liphakathi kohambo olude ngebhasi njalo, liqonde edolobheni. Ngokuhlala uhlalele ngasefasiteleni. Umoya ubamkhudlwana kuwe ngefasitela elivuleke kakhulukazi. Ngokuthula ubusulivala ifasitela ikanti livulwe ngumakhelwane ozwa etshiselwa ebhasini. Lokhu kuvalwa kwefasitela kungenza umakhelwane athini ngoba usulivalile ifasitela yena alivule ngomfutho otshengisa ukucunuka.

UKUHLOLISISA
Ukuze umazise ukuba lawe udinga ukuba livaleke kancinyane ungaletha yiphi lapha impendulo elobubelo:

i. Hawu bantu! Ngiyavala wena uyavula, kuhamba njani?

ii. Emabhasini kuzima ngiqinisile, kukondoda zibonele!

iii. Ngiyaxolisa sihlobo, umoya ngapha ngakimi ubamkhulu kakhulu, kungaba njani sivule kancinyane ifasitela.

iv. Nx! Izinto zamabhasi ziduba ngakho lokhu ukuba awulankululeko!

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds